403 Forbidden
403 Forbidden
You don't have permission to access the URL on this server.Powered by Tengine403 Forbidden
403 Forbidden
You don't have permission to access the URL on this server.Powered by Tengine403 Forbidden
403 Forbidden
You don't have permission to access the URL on this server.Powered by Tengine可以“搞”一辈子嘅，大概只有饺子了吧！
广州人钟意“搞”
搞事、搞嘢、搞搞震
咩都可以搞翻餐
于是广州人连食嘢都钟意“饺”
虾饺鱼皮饺水晶胶
做法更加层出不穷
蒸嘅煎嘅炸嘅水煮嘅乜都有
总之食饺子
就喺广州人嘅一种情怀
唔食唔舒服
（*图片来源于网络）
而考验一只靓饺子嘅最重要因素
就喺皮嘅厚度同菜肉比例
皮薄馅靓就紧架啦
如果一只荤素饺可以做到蔬菜比肉稍微多少少（纯肉饺除外）
咁就好完美了
食嘅时候最好再点翻D陈醋
简直此生无憾
（温馨提示：切勿喺公共场所食韭菜饺！有违“道德规范”）
而作为一个钟意食饺子嘅城市
广州有好多老字号或者新兴嘅饺子专卖店
誓要将饺子文化发扬光大！
作为新兴嘅特色饺子店，“尖饺”嘅装修有一阵浓浓嘅美式工业风。
虽然直排座椅冇乜安全感，但喺作为珠江新城CBD嘅白领午饭，喺最细空间逼到最多嘅人，都未尝唔喺好嘅布置。
“尖饺”最近推出麻辣小龙虾生煎饺，对广州人嚟讲，香辣指数可以去到五粒星，紫菜铺底、咸酸菜芝麻铺面，减辣得嚟睇起身又够别致。
乜都唔好讲，整翻碟醋点饺子先！（温馨提示：饺子都喺现做，果日小编等足20分钟！）
咬开饺子入面有整粒花椒，小龙虾肉质紧致弹牙，白菜比例多过猪肉啱晒小编心水，可惜价格有点over，32蚊得8只。其他品种均价喺20+左右。
尖饺(花城汇店)
地址： 冼村街道花城广场珠江东路30号东花城汇南区B15铺
营业时间：11:00-22:00
交通：地铁3、5号线到珠江新城站
人均：20+蚊
同样作为广州CBD白领餐嘅“牛蛮”，环境就稍微冇咁舒适，一入门口就会闻到阵地拖味，昏暗环境反而冇咩食欲。
但喺连锁店“牛蛮”胜在价格便宜，嚟翻个珠江新城午餐都唔觉心痛！
说好的“12蚊早餐优惠”冇咗，只可以点一盘22蚊16只嘅招牌牛肉煎饺，数量多到食唔晒！
同样喺即做饺子，加咗葱花同黑芝麻好评，个底香脆似生煎包，可惜饺子煎得过火面白底黑就喺扣分项了。纯牛肉煎饺都算肉汁丰厚，就喺有D过咸、牛肉味稍微欠缺，要搏命饮水。
牛蛮煎饺(花城汇店)
地址： 冼村街道花城广场珠江东路30号东花城汇中区
营业时间：8:00-21:30
交通：地铁3、5号线到珠江新城站
人均：15蚊
话咁快就从花城汇闪现到咗天河，“煮饺”可能喺小编食过最健康嘅水饺了！深藏在六运小区有D难搵，店仔细细有空调都几舒适，位置唔多中午白领放饭可能要等位。
小编最钟意呢块黑板，手绘餐牌简单明了。各样饺子个名都好得意，小编就试咗同价钱嘅三种饺子混搭。
之所以话哩度嘅饺子健康，因为饺子皮颜色都喺天然蔬菜榨汁制成。小编食嘅哩一盘有白菜、茄子同青瓜口味。
“煮饺”每种饺子入面仲唔单单得一种蔬菜，好似呢只“就是酱紫”其实仲有笋同青椒，而白菜饺小编食出了虾米味，特别推荐“我真的是黄瓜”一咬开就有好浓青瓜香，清新解腻。如果非要讲佢不足嘅话，就喺内馅太少唔饱满！
地址： 天河南一路六运一街29号105铺
营业时间：11:00-22:00
交通：地铁3、1号线到体育西站
人均：18+蚊
喺广州讲起饺子，点会少得“聚荣”！个朵咁响就紧喺由朝到晚都喺排队满座。作为老字号虽然有空调但喺咁开放嘅空间感觉等于零。
做咗几十年饺子，“聚荣”哩几年由8.5八只饺子升到依家要10蚊，餐牌上都留低咗岁月嘅痕迹，不过依然大件夹抵食。品种多不得止，仲有生饺子带翻屋企慢慢食。
人流量咁大，饺子都仲喺现包有晒诚意。包饺子嘅阿姨有成十个，所以上台速度都好快。
等紧饺子嚟嘅时候，即刻去整翻碟招牌蒜蓉！食“聚荣，走嘅时候冇成口蒜头臭味，都唔叫嚟过！饺子个头好大又饱满，有条菜伴碟觉得好温馨，依家已经好少店会做到！
本身以为自己会食唔落成口蒜，点知一点就上瘾，每咬完一啖都要再点多次蒜蓉，总之就越多越好啦！
一睇饺子嘅厚度就知唔简单！今次试咗紫菜猪肉饺，菜肉比例啱啱好，紫菜又唔会有阵腥味，食完都仲想嚟多兜。（讲多次，点超多蒜蓉真喺正到冇朋友）
聚荣饺子店
地址：寺右新马路寺右二马路南边第4号档铺(近五羊中学)
营业时间：10:00-20:00
交通：地铁5号线到五羊邨站
人均：10+蚊
”八珍“喺一间以煎饺起家嘅老字号之一，讲真环境就麻麻架啦，依家已经唔净止卖饺子，喺多个区都有分店。
见有特价就嚟咗个套餐，十只煎饺+猪红汤先15蚊，抵食！不过饺子口味就得韭菜一种，冇得拣。
猪红汤都比较新鲜，食得出已经放咗胡椒粉，如果再有D大豆芽菜就更好了。
煎饺卖相唔错，金黄有食欲，新鲜煎起皮酥软有口感哦，点蒜味好香嘅辣椒酱一齐食仲正。不过既然喺饺子做主打，喺咪应该有其他口味任君选择比较好咧？
八珍餐厅(细岗路店)
地址：细岗路细岗东一街18铺细岗市场旁边
营业时间：7:00-21:00
交通：地铁8号线晓港站C出口
人均：15+蚊
长寿西路上嘅“男煮饺”一踏入门口就忍唔住大叫“哇哇哇”，两层楼高嘅房顶、工业风加温馨灯饰同绿植，好难想象竟然喺间食饺子嘅店。
用餐区分室内同室外，菜式主打饺子同川菜类，晚上会摇身一变做撸串宵夜，直踩到凌晨2点！
中午有好实惠嘅商务套餐，原价16蚊12只嘅“最佳男煮饺”只需加3.9就可以有埋油太多嘅土豆丝同冇乜味嘅豆干丝。
蘸酱都係自己调制，有特制饺子酱、蒜蓉、蒜粒、芥末油、辣椒粒等等，品种好多任君选择。
哩款纯肉饺皮薄个头大，咬开会有汤汁飙出嚟，肉入面包含干虾仁、虾籽、瑶柱等，好似食紧鲜虾云吞咁，鲜味十足。
而相对其他店嚟讲，环境咁好价格就自然会高D啦。
男煮饺饺子(长寿西路店)
地址： 长寿西路27号
营业时间：10:00-02:00
交通：地铁1号线长寿路站
人均：20+蚊
唔知”芬芳“算唔算得上喺海珠人嘅骄傲，喺老城区同福路一间变四间，之后仲冲出埋海珠区，虽然其他区嘅铺面都好细，但喺依然人气好旺。
你以为”芬芳“最出名嘅喺甜品，其实煎饺都喺好多人必点！
为咗防止中午人流过大，“芬芳”会将煎好嘅饺子放入保温箱储存。
可惜哩个做法成为咗佢最大嘅败笔！哩一碟韭菜饺拼玉米饺卖相好好，但喺皮比较厚，放耐咗已经硬晒，韧性十足。
两款饺子都算比较饱满，玉米够甜数量多，韭菜就已经黄咗冇晒食欲，有D失望。
芬芳甜品(同福路店)
地址： 同福东路619号(市二宫对面)
营业时间：06:00-23:00
交通：地铁2号线到市二宫站
人均：10+蚊
环境最佳：男煮饺
饺子品种最多：聚荣
饺子皮最薄：男煮饺
饺子皮最厚：芬芳
菜肉比例最佳：尖饺
小编心中最爱：煮饺
虽然话一日食7间之后会见到饺子都想呕，但喺小编对于饺子嘅喜爱依然不变。
如果你有更好更有特色嘅饺子店介绍俾小编，或者你有同饺子嘅故事，不妨留个言话俾我哋听~
责任编辑：
声明：本文由入驻搜狐号的作者撰写，除搜狐官方账号外，观点仅代表作者本人，不代表搜狐立场。
今日搜狐热点}