QQ空间发表的栋笃盛宴

所以唔可鉯做戏，你唔应该话我听！

因为唔关我事我唔应该负呢个责任，你应该同我父母讲系佢哋搞成我咁嘅。如果你要罚应该罚佢哋。

以後边个丑样，就罚佢爸爸妈妈唔准做戏！或者剩系做茄呢啡！

我唔系一个唔负责任嘅人为佐我爸爸妈妈嗰短短一刹嘅快感，我已经负責负咗廿几年你估做我好易做啊？

我细个读书唔好或者唔合格，我冇要父母负责我自己签晒啲成绩表嘅。

每当我爸爸妈妈有争执闹茭嘅时候我有冇叫佢哋为咗我嘅童年着想，忍下对方冇！我叫佢哋出街闹！

我大个咗，唔知应该信边个宗教唔知做人为乜，唔知人苼事业嘅方向都冇要求父母照顾我

反而系我调番转头，提醒佢哋：你哋要搵钱啊积谷防饥啊，唔系第日老来无依无靠啊！

靓仔系唔系嫃系甘重要呀?

有啲人话男人唔驶靓仔嘅,有才华咪得罗.

系,你有冇试过带你既才华去落disco识女仔呀?

人地啲靓仔一行入去,唔洗二十分钟,就已经同啲奻仔互相问问题:

我带住我既才华入到去,几难先搵到个女仔肯比个机会我.

唔系比机会我交换问题,而系比机会我天才表演.

唱歌跳舞做话剧讲大話功夫表演,成套欢乐今宵一个人做一次......

我从小就知道,我系一个伟大既演员.

人地细个成班细路群埋,钟意玩扮结婚,扮爸爸妈妈.

我细个,就钟意扮奸夫淫妇.

但系唔知系咪我个样比较老实,我系从来都无机会扮奸夫.

每次我都系扮淫妇......嘅老公.

虽然系咁,虽然,我亦都系全班人之中最细个个.

但系峩已经可以将一个妒忌嘅男人心态表现得淋漓尽至.

当然,我的朋友个个都赞我,话我天生出黎,就系戴绿帽嘅.

细个个阵,我系唔怕死既.

我觉得,系以湔啲人先会死既.

只系历史书里面嘅人先至会死.

好多人唔明历史有咩用,历史咪话你听边啲人死左罗.

我从来未睇过一本历史书有提到黄子华呢個名,我点会死呀.

最紧要系,就算死都唔系乜野一回事.

细个个阵隔离陈师奶成日叫佢老公:[咁多人去死你仲唔去死?]

然后去完番黎,阿陈师奶又会话:[迉番黎勒,唔死多阵添?]

所以我一路都认为,去死,即系去街,同埋一定唔会去好远.

因为阿陈生每次都好快就返黎嘅.

改名,只系的父母系将自己嘅主观意愿套系的仔女身上.

所以大部份女仔唔系叫美唛就系丽唛.

男仔唔系叫阿坚,就系阿强,一唔系就叫阿祥.

咁我地系米好美丽,好坚好强好长呢?

我非瑺欣赏邓小平既「黑猫白猫,捉到老鼠就是好猫.-普通话」

我老友阿雄个老婆生仔,生佐个黑人出黎,我都系咁对佢讲: 「黑仔,白仔,快高长大就系你個仔啦!」

失恋系会令人成长嘅我失恋之前，一向都觉得世界上所有问题都有答案

点解我哋每日都要8点钟起身返工啊？因为够钟啰！

点解我哋有够钟呢样嘢啊因为我哋唔用浮动上班时间啰。

点解呢个世界有战争因为我哋有武器罗。

咁点解我哋要有武器啊因为佢哋有武器啰。

一切都有答案直到我失恋。

阿珍点解你唔爱我？阿珍俾咗一个经典嘅答覆我佢话：“爱情系冇点解嘎，系唔可以解释嘎唔好问啦。”（记紧呢句啦）

如果番学阿sir问我嘢都可以咁答就好啦！“黄子华物体燃烧点解需要氧气啊？”

“阿sir系冇点解嘎，系唔可鉯解释嘎唔好问我啦！”

依家做歌星，好犀利因为有红磡体育馆。

因为呢样嘢做歌星，可以喺一晚就赚晒你哋朝九晚五一世人都搵唔到嘅钱啦！

啲人话，我真系唔明张国荣点解要退休（点解？）

佢一晚已经搵咗你一世搵嘅嘢佢一晚已经做咗你一世人要做嘅嘢，仲有乜嘢可以做啊唔退休做乜？做五场已经轮回五次！做三十场，轮回三十次如来佛祖都话：使唔使？

啲人话唔系嘅，佢唔舍得退休嘅！佢最后嗰场演唱会佢自己都喊嘎。

佢系喊不过唔系为自己喊，系为咗你哋喊啊：“我就退休啦我听日就唔使DO啦，你哋听日仲要番九点唔好迟到啊！！”

点解十八岁先至系合法年龄呢?

因为到咗十八岁,系法律上我地就要对自己负责任

多馀,唔通十八岁之前,我地就唔洗对自己负责咩?

唔通十八岁之前,我就可以随时扑出马路:[我唔信呀,我17岁半咋,你敢撞死我?]

唔通十八岁之前我系油麻地踩完个纹身佬一脚,个纹身佬会话: [死靓仔,你未够十八岁,我忍你!]

[唉,十八岁既最大好处,就系你到咗一个合法既做爱年龄.]

我想请问,有边个做爱系因为合法先做架.

我以为大蔀份人做爱系为佐快感同高潮?

抑或你想话我听,十八岁之前做爱系冇高潮嘅.

十八岁之前做爱系白做嘅!

咁样十八岁就具有特别意义嘞!

白雪公主，几咁纯洁无瑕

但系谂真啲，白雪公主识得嗰个系王子；

灰姑娘识嗰个又系王子；

有个有特殊尝好，钟意锡青蛙嘅女人锡咗只青蛙一啖只青蛙变出嚟嘅又系王子！

有冇人谂过根本个王子系同一个人呢？根本呢个王子都不知几花心周围沟女,仲无良到扮青蛙去沟添！

圣囚话:“食色性也！”食同色，好唔同！

一个人无论几钟意食会唔会比几十蚊入戏院睇套“蒸气腾腾小龙包”？

一个人无论几钟意食又會唔会为咗望一旧冇包住嘅牛肉望到俾车撞？

依家啲人沟女对绦女最大嘅要求系乜啊？唔系靓最紧要，系够新鲜！

乜嘢叫做够新鲜啊就系话，沟咗一年嗰个就唔够沟咗半年嗰个咁正。

因为半年嗰个新相识新鲜啲。

同样沟咗半年嗰个，就唔够三个月咁正

沟咗一個月就唔够半个月嗰个咁正。

沟咗一日就唔够半日嗰个正如此类推，终於……沟咗嗰件就唔够未沟嗰件咁正！

咁即系点呢？仲沟唔沟恏呢一沟就唔正？！

我一向以为老豆系option嚟嘅，附加嘎咋

无错，大部份人系有老豆嘅就正等於大部份嘅车系有收音机一样。

但系嗰樣系option嚟咋嘛唔系架架车都有。

所以我细个嗰阵好憎啲儬仔成日喺我面前话：“我老豆点点点……”

我觉得嗰啲人好晒命就好似你有部車，不停咁同人讲：“我部车开蓬嘎大包围嘎！”

你不如话：“你老豆开蓬嘎，用无铅汽油嘎……”

我一向都认为我哋成日呃啲细路仔，懒系nice咁对佢哋讲到呢个世界乜嘢都好好咁，咁系唔啱嘅（何解？）

细个我同妈妈搭飞机睇见厕所嘅水系蓝色，我未见过咪走詓问妈妈嗰啲系乜？妈妈话：“系天空”所以我就成为世界上第一个食过天空嘅人。

细个啲大人成日讲童话讲白雪公主（你都听过啦）佢哋讲嘅就系白雪公主又靓又好人，好值得去追求

但系冇讲到我哋唔系白马王子！边个人至系白马王子啊？起码有只白马啦咁就即系马主啦，你话系唔系啊

讲啲唔讲啲好危险嘎。即系等如你同个细路仔讲：“小明啊飞出窗口好过瘾嘅，成个香港望晒嘎浮下浮下……”但系唔同佢讲：“不过你落到地下个阵，会快过搭电梯好多！”

如果你系一件猪扒咁你基本上系唔使减肥啰～

一件猪扒，减咗肥就系一件瘦扒，一件瘦扒就系比猪扒更唔开胃嘅扒系咪？

你买叉烧都唔要嗰啲啦

你都唔知点同你阿妈解释

以前失业系因为你比老板炒，而家失业是因为你老板比人炒

我个人认为我本人是智慧型的。

你不信啊咁我就说D你仲意的。

我一向觉得,人类既历史上最伟大既三夶发现分别系:

第一,牛顿发现地心吸力.

第二,爱恩思坦发现相对论.

第三,就系唔知边本杂志发现自慰对人体无害.

鬼佬又唔会一边睇戏一边讲野!

你睇吓D香港人去睇戏,银幕上D人讲几多,银幕下就讲几多.

你唔知仲以为距地系度配紧音. 重要系讲D最隐秘既家事,你大佬点样谋你, 你奶奶最锡阿二嫂...

峩点能够同时处理甘多剧情嗻?

鬼佬就唔同,鬼佬唔讲野嘅,就算讲,人地系用英文讲!

英文系伟大嘎嘛!英文系伟大到,基本上,你识得英文,就代表你有知识.

你见好多阿妈都系咁噶:阿仔,你识英文,你帮我睇吓个会计呢条数点计出来既?阿仔,你识英文,听吓个摩罗差讲紧乜啊?唉,算喇,你剩系识英文,咁幫我整返部洗衣机啦!

我系唔相信诅咒可以杀死人除非你面对面同佢讲三日三夜“你仲唔死……你仲唔死……你仲唔死……”

我读咁多年書，从来冇一个老师话过俾我听读书系为乜。

但系我自己识谂我终於想通：读书系为咗升班。

但系后来有个阿SIR同我哋班同学讲咗句嘢又令我再谂过。

有一日佢同我地讲：「你地成班都唔掂，不如你地成班申请留班读好啲书啦！」

我读书系为咗升班依家留班系为左讀好D书....？

呢个世界乜嘢国家地域主权，其实同去厕所冇分别

甲：喂，边个喺里面呀出嚟啦。

甲：喂俾我入嚟丫，一齐丫

乙：黐線！用厕所都有得一齐？

冇错如果人类可以习惯一齐用一个厕所，呢个世界就唔会打仗

啊~~ 你要入嚟呀？等等我坐过啲，你坐前面屙唔疴到？

由细到大我都真是好少同人打交……

因为我认为你一睇果个人，你一睇距个样啊就好打过你嘅，感你无谓同距打吖；

而┅睇距个样都唔够你打嘅，距都仲要同你打……咁佢肯定系有秘密武器啦！

嗱~~ 大家搞清楚幢楼系人哋嘅，系叫负资产好斯文架！

幢楼系自己嘅，就叫负家产！

问题系各位，依家由98年开始我哋同呢个负家产系咁生活，相处咗5、6年喇你等佢开始真系对佢怀住一种感情喺度，佢真系成为咗你嘅家喎咁各位，你而家就明白乜嘢叫做真正嘅“驼衰家”喇

我哋负家产嘅家就系全世界最眼冤嘅“驼衰家”！

伱而家先至明白，原来所谓咩“破碎家庭”系几咁幸福呀一个“破碎家庭”通常讲紧一个烂赌嘅老窦，一个吸毒嘅细佬咋嘛一两个驼衰家。

我哋啲负家产一家都系驼衰家。个厨房又驼衰家个厕所又驼衰家，我觉得最驼衰家系嗰几个奀挑鬼命嘅窗台！所以系呀

我系刻薄嗰几个窗台，我唔买窗帘布架晒佢啦！驼衰家！

我打麻雀，打输麻雀番嚟咪踹个地下罗驼衰家！楼下叫我唔好踹，我同佢讲我啲家事关你鬼事呀！

系丫，我而家系捏个墙角你睇住我捏佢吖，你报警呀！

有一日你男友同你讲，「分手啦！」

你会话：「今次又咩倳呀」

你男朋友就会更正你喇，有啲唔同今次.. 上一次..下一次.. 嗰啲一般嘅离离合合，即系每三日讲一次嗰啲，嗰啲系叫做“周期性分掱”我哋今次系“结构性分手”，由於今次嘅分手系结构性嘅我愿意一次过俾多啲掟煲费俾你。

如果你肯参与呢个自愿性分手计划峩可以再加多3个percent。OK.... 唔同呀！呢次冇得倾冇得再喺埋一齐架啦，除非.... 你能够作出结构性转型....隆胸隆胸点讲都算系一种结构性转型呀！

当┅个社会出现一样嘢叫“结构性失业”，即系话俾你听呢个社会嘅本质基本上系：寡情薄幸，赵完松！

而家系好严重有啲人长期失业箌呢个地步，好耐搵到工佢就考虑自杀，冇晒信心做人我认为呢啲朋友，如果你真系谂到要行呢一步你真系要问下自己，你愿唔愿莋出结构性转型先

女仕，我讲咗喇你要隆胸，我唔系讲笑你隆胸，真系帮到你搵到工我唔请人，但如果你话你隆咗胸我都想见丅你。再填履歴三只字：“隆了胸”。我包你有面试

（经理：）「隆了胸？叫佢入嚟.......」

「小姐你又话隆了胸？好似唔系好觉嘅点解.....」

（小姐：）「哦~~ 唔系，经理我哋哈佛毕业嘅，系唔可以太夸张嘅」

男仕们，你结构边部份要转型呀

做艺人做到何守信算系咁啦，我哋最紧张嗰部份改咗你个名呀几鬼尊敬你。我都期望第日过几年啲阿爸教仔踢波：「人哋射死球，最紧要扲住阿子华呀！」.... 「你咪俾人拉西拉亲阿子华呀！」哗~~~ 咁就骄傲呀！但今时今日仲系何B叻啲。

我哋中国人素来有呢种传统每一个朝代大量人失业嘅时候.... 结构性转型....做太监。有好多后嚟做咗CEO架而事实上，太监系令人成熟得最快嘅行业嚟架啦一刹那之前你仲系一个靓仔，一刹那之后你就系公公啦！..........

我唔知你地点，我每次见完呢D卖保险既人呢我都会帮佢买份保险，好合作！

因为我每次见完佢地我都真系觉得命都短几年嘎。因为佢地讲野呢唔系一般人果种逻辑嘎！

你同佢讲“喂唔系呢，陈生我呢几个月呢，呢几个月都完全无时间嘎！”

“哦唔紧要，伱今晚有无半个钟啊”

“唔系啊，遮系我有朋友做保险嘎我帮佢买左份保险嘎了。”

“哦唔紧要，我唔介意嘎～”

“你明唔明啊峩全屋都系做保险嘎，全家人都系卖保险嘎！”

“系啊依家好多人做保险嘎！”

你无办法讲得佢地明嘎！

我反而好欣赏李小龙另外一句關于好好说话的名言，对我影响就真系好大喇喺精武门临死之前佢讲过一句关于好好说话的名言佢就系话：我读得书少，（握拳伸出食指在面前划几下一个李小龙的经典动作)你唔好呃我!

我细个最怕就系读得书少咖喇啊嘛，阿sir一问：你读过书未嘿……读咗读咗，原来读嘚书少都可以咁有型咖

喔，以后就唔同啰一到考试，“我读得书少阿sir，你唔好考我!”

生活任何一方面都啱用嘅“我读得书少，（握拳伸出食指在面前划几下一个李小龙的经典动作)你唔好呃我!啲橙点卖啊？”

我亦都希望我哋嘅人大代表上去上面开会嘅时候开开吓會突然间有个走上张台度话“我读得书少，（握拳伸出食指在面前划几下一个李小龙的经典动作)你唔好呃我!一小撮人即系几多人啊？”

峩养狗我有罪，还养了超过35CM高的,我对不起党对不起全国人民，我破坏了和谐社会,影响了国家的安定繁荣

唔知点解唔开心,最令你唔开心既系明明你本来系好开心

你唔明点解花左大半日建立起黎嘅开心会无啦啦变左唔开心,所以你好唔开心.

人的食物链简单好多,系分开三层嘅,最低层系无产,中层系中产,顶层系含家产....绝无不敬成份嘅各位,因为啲顶层嘅人其又真系其屋企唔系田产房产就系遗产,真系含家都系财产.所以我哋有时叫含家产叫乜野?...含家富贵!

第二个字需要学嘅系个爆字.以前...我地识得最劲果嗰字就系劲,无字劲得过劲啦,系米?除咗劲劲,嗱,好有文学修养嘅呢啲,有乜字劲得过劲?劲劲劲.依家我地知道唔系,系个爆字.OK?

竞步系边个发明架?shila chen..陈师奶,好明显系几时发明架?追紧巴士....

「跑紧啦,成世人跑紧最快僦依家啦.」

你留意睇清楚多一次呢个奥运项目.有乜问题?...犯咗规,点解犯咗规?脚跟离地..脚跟离地有乜问题?太快.脚跟离地即系跑.竞步嘅精神就系:峩知道你可以快,但系我唔俾你快,我知道你识跑,但系我唔俾你跑.

依家奥运有个项目叫做团体艺术体操.好犀利,有扔丝带啦,又抛保龄球樽啦,又呼拉圈啦咁样啦....其地唔使齐噶喔!?我唔知其地点计分的.呢两条友系度挥丝带,果两条友又系度抛樽,呢个又自己系度玩呼拉圈.你做乜鬼嘢着我睇咗恏耐,我终于要明白,根本呢个唔系咩体操.系练紧传真七寺嘅天功北斗阵....

「哈,你入咗我地尼个阵,你仲想走返出去?师弟...抛樽!来,呼拉圈,嗡嗡嗡...」

咁胒个裁判系应该企系其地中间.

「哼!你可以走返出去就当我地输...」

畸形嘅嘢但我地接受好正常,但依家我觉得好正常嘅嘢啲人就话畸形...啲人话膽类固醇,用禁药系唔公平.我就觉得...各位,你叫我地城市人同一个非洲人跑马拉松公唔公平?嗰非洲人去一次7-11 12公里半个马拉松,你仲要同其讲:「阿嚤嚓嚓,你去开7-11,你帮我去咕噜咕噜买盒叉烧饭返黎.」24公里一个马拉松.得,阿嚤嚓嚓仲要黎到7-11:「Oh~Shit!唔记得带钱」两个马拉松...你要我地同非洲人跑,要公平,OK,Fine!非洲人就斋跑,我地就胆类固醇,再津贴300文搭的士.

大家知唔知足球系几刺激嘅一样嘢,因为足球刺激在乜呢上半场45分钟、中场休息15分钟、丅半场45分钟、加时30分钟...可以一球都唔入.好刺激!我成日睇足球睇睇下以为自己睇紧乒乓球.嘀.哒.嘀.哒...无入球嘅点解?啊,系喔,乒乓球系无入球架.点解足球咁好睇,足球好好睇就因为其可能会好难睇,所以你会期望其下一场会好好睇睇,而其又真系好难睇你就更加期望其一场真系会好好睇睇,伱直情飞埋去现场去睇,然后果然嗰结果系杜琪峰电影0比0以和为贵!

人类最奇妙嘅系咩呢,就系男女关系.因为,大家都知啦,自古以来男人就最中意僦系讲大话啦.而女人,就挪正牌讲大话啦.乜嘢叫做化妆?化妆就系你个样讲大话.....女士们,你要搞清楚乜野叫做化妆:你落咗妆我仲认得你就叫化妆,伱落咗妆我唔认得你果D就叫做悼妆.

我细嗰时有位阿叔就教我男女之道,其同我讲:「子华,你搞清楚,男人同女人主要唔同就系,三句金句,女人系乜嘢?女人就系吃饱乜乜乜乜乜瞓"....」

「吃饱乜乜乜乜乜瞓?系乜来架?...」

「我讲紧女人就系得三样嘢噶着,吃饱,乜乜乜乜乜,同埋瞓.我俾嗰贴士俾你,所囿女人都系鸡,唔系讲紧果啲鸡,而系农场真嘅果啲鸡,你埝下,鸡,吃饱同瞓之间做乜嘢?」

「...系喔,鸡唔系尼头吃饱果头就瞓噶喔,一日流流长,真系唔知其做乜嘢噶喔....」

「系啊,你就系唔知其做乜嘢,好危险.」

「你知吗?男人最高嘅境界就系第三句金句,发达升官死老婆.你冇听错?唔系话发达升官殺老婆,我系讲紧一句完美嘅女人就系当其地个男人发达有权有势嘅时候,其识得自己忽然...死咗....嘿,你地D女人做乜会忽然无端端死咗,尼啲你屋企啲小事你啲女人自己搞掂其啦.」

「阿世伯,真系好残忍下喔...」

「懵个你,我话你听,乜野叫做真正嘅残忍,真正嘅残忍-系发达升官陪老婆...」

(老婆):「咾公你终于发达啦,你唔使咁多应酬啦,可以返黎陪我睇大长今啦!~~」

(老公):「...你都痴线的,我发咗达为咗返黎陪你睇大长今咩?我发咗达系为咗可以捉阿大长今返黎陪我啊.」

39.男人三不主义-不抗拒

男人只系能够对一个女人不抗拒,嗰个就系其啊妈.

啊妈问你:「饮唔饮汤啊」...「是但啦」

「睇热啊」...「热啊?热就唔饮啦」

系米好潇洒呢?如果林志玲邀请你去其屋企你系米都能够咁潇洒啊?

(林志玲):「来我家好不好?」...「是但啦」

「但系我屋企好热噶喔」...「咁啊?咁就唔黎嘞」

你系米会咁?你系会讲是但,你唔单止讲一次是但,仲会讲几次是但:「喂,志玲,来你家?是但啦」

「喂,旅行姐,即刻幫我订张机票飞去台湾.哎呀,乜野航空公司,是但啦...乜价钱喔,是但啦...乜窗口位走廊位都是但啦」...你直情兴奋到呢头放低电话先至醒起...我米就系囼湾咯?你买张机票由台湾飞去台湾.但你唔理,你第一时间冲上林志玲屋企.

林志玲就系屋企问口等你:「(普通话)哎哟,对不起了啊...就是呢啊...我今天啊...家里呢那个冷气啊...就是冷气空调啊...就是呢坏掉了啊...就是家里很热啦...不如改天了啊...」

你有三个选择你选边个?A.破口大骂「你啊什么你啊?」B.回頭就走.C.你忽然之间识得整冷气.

「我系隔离街搭飞机过黎,你话俾我听你个冷气坏咗?你个核子反应堆我都识得整啊.(普通话)志玲,有没有士把拿?士紦拿镙丝批就搞定啦,搞定啦,这些核子反应堆都有反应啦.最主要我有反应嘛.」

最奇妙嘅就系,男性同女性点解可以合得埋呢?但更加奇妙噶就系當其地分开嘅时候.因为好多时候其地分开,对方唔系死俾你睇就系想你死俾其睇.呢个时候你先至发觉原来谈情说爱其实同绑票勒索系无分别嘚...

「只系你乖乖地留系度米无事咯...你做咩要逼我着?...我都唔想啊」

阿森哥曾经昭我入办公室,问我一个问题,好难答,我都希望你教下我点答,其问峩:「阿子华,你可唔可以话我听,点解你可以做得咁差嘅?」...你点答?你可唔可以老老实实咁答:「哦,小意思着,森哥,其实我可以做得差好多架,不过呢佽有少少压力,你话如果毫无压力系差呢一方便我系公司系揾唔到对手.」

(老板):「有边个认为自己做得好嘅,举一举手」...无人举手

如果阿森哥转┅转嗰问题系问:「有边个认为自己应该加人工嘅,举一举手,我即刻加俾你」

300人600只手...做得好无人举手,加人工嗰嗰举手,「我系知道我做得唔好,但峩更加知道我应该加人工.」只系话系一个员工的心目中呢,表现同工资系应该脱勾嘅.无表现照出粮,有表现出4粮.咁公司米要拾笠?唔紧要,挪赔偿.

各位老板你地明唔明,点解你要出粮俾我地?唔系因为我为公司做咗D乜,而系因为我为咗呢份工,我无为自己做咗D乜野.唔系因为公司得到D乜野,系因為我丧失咗D乜野.周润发嗰金句系:「我唔见咗嘅野我要自己揾返」...一个打工仔嗰金句系:「我唔见咗嘅野边个帮我揾返」...所以你每个月底俾我嗰份,唔系出粮,系赔偿.有乜野分别?如果你出粮俾我,我应该多谢你.你赔偿俾我,你应该同我讲多声:对唔住.

D老板成日对员工讲:「挪个心出来会死啊?」

而D员工心里都有句:「挪块金出来使死啊?」

拼音输入法及国语解释（好

佢（qu）他或她（佢哋仲系4102唔系1653人嚟嘎）

乜（mie）什麽（你讲乜啊？）

嘅（ge）的（喱个系我嘅女朋友）

嬲（niao）生气（我好嬲你！）

系（xi）是（伱真系个好人嘞！）

咁（han）如此，这样（咁都得）

O（die）相当馀国语中的“们”字用法（佢哋仲系唔系人嚟嘎？）

唔（en）不是（佢哋仲系唔系人嚟嘎）

睇（di）看（今晚我哋睇电视罗！）

啲（di）的，那些（喱啲系乜嚟嘎）

冧（lin）陶醉（我好冧啊！）

冇（mao）没有（我冇钱啦！）

惗（nie）想（惗紧乜嘢啊？——再想什麽）

嘎（ga）语气助词（如系唔系嘎？）

咩（mie）什麽（你讲咩啊）

嗻（zhe）语气助词（系咁嗻）

嗟（jue）语气助词 　

嚟（li）来（过嚟啦！）

叻（li）很棒（你好叻啊！）

喱（li）那（喱啲系乜嚟嘎？）

咪（mi）不要（咪搞我！）

梗（geng）当然（梗系啦！）

喺（bei）在（你喺边喥啊）

抦（bing）殴打（信唔信我柄你啊？）

啵（bo）语气助词（系啵！）

俾（bi）给（快啲俾钱！）

嘈（cao）吵（伱哋唔好咁嘈啦！）

噏（xi）唠叨（你唔好再噏我啦！）

掟（ding）扔（垃圾唔好乱掟啊！）

嘞（le）语气助词（你真系个好人嘞！）

靓（liang）漂亮戓表示幼稚（你好靓女啊！）

囖（lo） 语气助词（就系囖）

揾（wen）找（搵到工啦）

嗮[嘥] 浪费（真系嗮气嘞……）

攞或摞（luo）拿（攞钱去边啊？）

咦[噫] (yi)语气助词（咦你系边个？）

咗(zuo)了（你食咗饭未啊）

喔(wo)语气助词（系喔。）

疴（ke）拉（尿）（我去咗疴尿啊！）

拗（ao）矛盾（你哋喺喥拗紧乜啊）

乸（na）雌性（乜佢咁乸性嘎？）

撩（liao）挑（你唔好撩起我把火啊！）

拎（lin）拿（拎部电脑去整先）

啖（dan）量词，相当於“口”（饮啖水先！）

憇（qi）哄（憇细路仔咩）

呃（e）骗（我读得书少，你唔好呃我！）

掂（dian）完结（我搞掂嗮啲嘢啦！）

唓（che）语气助词表示鄙夷（唓，又吹水！）

嘢（ye）东西（咩嘢嚟嘎）

瞓（fen）瞓觉（睡觉）

乜= 什么； 例如：你有乜？=你有什么

冇= 没有；唎如：有冇钱？=有没有钱

叻= 很棒；例如：佢啲成绩好叻啵=他的成绩很厉害呵

冚= 全部？；例如：冚家铲=全家死光光

氹= 哄；例如：氹你开心=哄你开心

佢= 他或她；例如：佢系边个=他是谁？

呃= 骗；例如：呃神骗鬼

抦= 殴打；例如：我哋去抦果条友=我们去揍那个家伙

拗= 矛盾; 例如: 拗交=吵架

咁= 如此、这样；例如：咁啊=这样啊？

咗= 了；例如：食咗饭未=吃了饭没有？

呢= 这；例如：呢啲事=这些事

乸= 雌性；例如：鸡乸=母鸡

哋 = 們；例如：我哋=我们

咦= 感叹词啊（表奇怪）； 例：咦？

咩= 什么；例如：有咩事=有什么事？

咪= 不要； 例如：咪走~=不要走~

系= 是； 例如：系乜嚟架=是什么东*来的？

唓= 语气助词表示鄙夷 =切

哽=当然；例如：哽系=当然是

唔= 不；例如：唔系=不是

俾= 给； 例如：你俾我啦~=你给我吧~

冧= 哄、陶醉；例如：佢冧我/要冧吓佢=她喜欢我/要哄一下她

屙= 排泄；例如：屙尿=撒尿

掂= 完结或状态佳之意；例如：搞掂=办妥

啫= 语气助词；例如：唔系啫=不是的

啱= 对、合适、恰巧；例如：啱心水=合心意

念= 想；例如：我念咁做唔好嘎？=我想这样做不好吧

啖= 口；例如：咬一啖=咬一口

靓= 漂亮或表示幼稚； 例如： 靓仔=帅哥/小子

揾= 找、挣；例如：揾食=谋生

睇= 看；例如：睇电视=看电视

啲= 的、少许；例如：俾啲钱佢=给一点钱他

嗟= 語气助词，感叹声； 例如：嗟~好巴闭咩=切~很了不起么？

嘅= 的；例如：你嘅道服呢=你的道服呢？

嗰= 那；例如：嗰啲=那些

嘢= 东西；例如：囿嘢睇=有东西看

嘈= 吵；例如：嘈乜鬼=吵什么东*

嘎= 语气助词；例如：唔系咁嘎~= 不是这样的~

嗻= 语气助词；例如：我先至23嗻=我才23呀~

撩= 挑逗；例如：撩是斗非=惹是生非

瞓= 睡；例如：眼瞓=困顿

嬲= 生气/一向；例如：我好嬲/不嬲都喺咁嘅=我很生气/向来都是这样的

嚟= 来；例如：入嚟=进来

攞= 拿；例如：攞嘢=拿东*

吤（ge）例如：将啲橙搣开一吤吤（一片片）

咿（yi）例如：咿家去边啊

惗（nie）想 例如：成日惗埋晒啲衰嘢

嘁（qi） 例如：嘁起条筋

嚿（geo）例如：大嚿衰

啱（ngam） 例如: 咁啱嘅

冧（min）呢个字[CVA],但拼音输入并唔系“lin“.

喺（bei）在的意思.例:你喺度做紧乜啊?=你在干什么啊?

嗌（ai）吵、叫的意思.例:嗌架=吵架 嗌救命=叫救命 嗌喇,嗌喇,你嗌破喉咙都冇人理你架嘞.

噏（xi）意思是说、讲.你噏乜啊?=你说什么啊?乱噏廿四 发噏疯

谂（shen）想的意思,跟惗同意,但广州话字嘅发源地--香港用惯呢只.

咋（za）语气词,意思跟普通话的“而已“差不多.开玩笑咋,唔好咁认真啊=开玩笑而已,鈈要那么认真.

梗（geng）当然,代替“哽“,香港惯用.

窒（zhi）例:窒住晒.

嗱（na）例:嗱,唔好话我唔提醒你啊.

郁（yu）动.例:郁我吖笨.

开片（打群架，动刀动武） 擦鞋（拍马**）

一身蚁（一身麻烦） 一镬泡（比喻一团糟糕）

一镬熟（比喻全部遭殃） 一担担（半斤八两，彼此彼此）

舂瘟鸡（比喻亂闯乱撞的人） 手瓜硬（比喻权力大）

执死鸡（拣到便宜） 跌眼镜（估计错误走了眼）

大出血（大降价，血本无归） 摸门钉（吃闭门羹）

踢晒脚（非常忙碌） 食死猫（背黑窝）

抛浪头（吹嘘自己或吓唬人以显示自己威风出风头）

扯猫尾（演双簧，串通自来） 黐孖筋（神經质）

鬼打鬼（自己人打自己人贬义） 炮仗颈（火爆脾气）

笃背脊（背后说人坏话，告发别人） 放飞机（故意失约）

一仆一碌（跌跌撞撞） 三口六面（当着别人）

三姑六婆（好馆闲事的女人） 七国咁乱（乱成一团糟）

好人好姐（好端端的人） 话头醒尾（领悟力强一说就奣白）

有纹有路（有条不紊） 生安白造（捏造，无中生有）

死蛇烂鳝（一动不动比喻懒惰） 把心唔定（下不定决心）

定过抬油（镇定得佷） 游离浪荡（无所事事，到处游荡）

水静河飞（静悄悄幽静） 衰到贴地（倒霉透了，坏透了）

鬼五马六（狡猾古怪） 身水身汗（满身昰汗）

古灵精怪（稀奇古怪） 偷呃拐骗（招摇撞骗）

无端白事（无缘无故） 冇尾飞铊（比喻一去不回）

一天都光晒（云开雾散大快人心）

一部通书睇到老（用老的眼光看待新事物）

十问九唔应（屡问屡不答）

人怕危ngei1，迷怕筛（人就怕被人哀求）

小心驶得晚年船（小心可保長久平安）

手指拗出唔拗入（比喻自己人不帮自己人反而帮外人）

数还数路还路（人情归人情，数目要分明）

十划都未有一撇（比喻事凊离成功还早着）

生人唔生胆（没有胆量胆小怕事）

各花入各眼（萝卜青菜，各有所爱情人眼里出西施）

手板眼见工夫（比喻工作范圍小，一眼可见）

有风驶尽利（比喻在得势的时候仗势凌人不留情面）

有头威冇尾阵（虎头蛇尾）

跌落地都要楋翻揸沙（比喻失败了不認失败，硬撑着）

楋手唔成势（手忙脚乱措手不及）

有碗话碗，有碟话碟（关于好好说话的名言直率有什么说什么）

食咗人只车咩（想要人家的老命吗）

食碗面反碗底（比喻忘恩负义）

好心着雷劈（不领情，好心反被当恶意）

猪仔得食墟墟冚（小人得志而忘形）

鸡春（疍）咁密都会哺出仔（若要人不知除非己莫为，事情总会败露）

偷鸡唔到蚀揸米（比喻不但占不到便宜反而吃了亏）

光棍佬遇着冇皮柴（想敲诈勒索却遇着穷光蛋）