“少林足球”粤语全剧本
“少林足球”粤语全剧本
（休息室）
明锋：你畀张支票我算咩意思呀？要我踢假波啊？！
强雄：唔系，唔系，唔系，我系中间人，我只系受人所托啫。
明锋：你想玩我吖定系想害我呀？你唔好以为我冧咗，你就可以爬上去呀！你谂都唔好谂呀！你同我睇清楚呀，“黄金右脚”系我唔系你呀！！你想扒我头？发梦呀！
强雄：我真系唔敢谂架，我最近手头紧，想抽啲佣金，你千祈唔好话畀人知呀！
明锋：你呢个败类！连狗都不如呀！
强雄：对唔住呀，锋哥，我走先嘞！
明锋：喂！（明锋抵受唔住支票嘅诱惑，攞返张支票）
观众：黄金右脚！黄金右脚！
（明锋射失点球，畀人暗算打跛只脚……）
（二十年后……）
女记者：强雄哥呀，你叱咤球坛二十年，自从黄金右脚射失咗十二码受咗伤之后，你就一直未逢敌手，噉其实……
强雄：我哋唔好再提啲唔开心嘅嘢。
男记者：强雄哥呀，你队魔鬼队连续五届超级杯都未输过?，有咩秘密呀？
强雄：秘密？边个系领队咪即系秘密咯。
男记者：噉今年嘅超级杯应该志在必得啦！
强雄：你第一次做记者架？呢个问题重问？！
（强雄入咗大厅）
强雄：黄金右脚。
明锋：哎，雄哥，雄哥，早晨！早晨！
强雄：早晨！
明锋：哎呀，雄哥，你只鞋污糟咗呀，我帮你擦干净佢呀。
强雄：哎，唔使唔使唔使，我自己嚟（只脚踩喺明锋头上）
*助手：雄哥呀，我去攞架车过嚟。
明锋：雄哥呀，你咪话过，畀队波我带嘅？我得架！我准备好架喇！我一定将佢哋训练到好似魔鬼队咁劲嘅！
强雄：你个样重可以带波咩？！收山罢啦。
明锋：唔系，雄哥，你咪话……
强雄：我话啫！人系要面对现实架嘛。你睇你，而家只脚跛咗。
（指住明锋个肚上面‘黄金右脚’四个字）
强雄：你估你重可以靠呢四个字呃饭食呀？！
明锋：雄哥，我跟咗你咁多年，你今日同我讲啲噉嘅嘢？
强雄：我今日不likey。人系会变架嘛。你个样旧时好靓仔架！你睇吓你，而家变成个衰样！哎，返乡下啦。我都养咗你廿年嘞，仁至义尽，饭盒钱唔少架！
明锋：强雄！你唔好太过分?！廿年前你畀张空头支票我，叫我打假波，sin3到我摊摊腰！如果唔系我今时今日会搞成噉？！
强雄：做咩呀？发烂鲊呀？大声啲吖！喂，听唔听到呀你哋？！出便有记者呀，使唔使我叫佢入嚟呀？你估我养你廿年呀？我想揞住你把衰口咋！你估你而家乞儿噉样，人哋会唔会信呢？！
明锋：你！
强雄：唔好嬲，唔好嬲。如果要怪嘅，就怪你自己----贪心啫！返乡下啦！讲多件事畀你听呀，敲跛你只脚嗰班人，都系我安排嘅！
明锋（苦笑）：嘿嘿……哈哈……哈哈……哈哈……
明锋（饮啤酒）：咩事咁大不了呀？
星驰：波，唔系噉射嘅。
明锋：讲咩话？
星驰：我话，波----“笨”唔系噉射嘅。
明锋：应该系点射架？
星驰：一句说话----腰马合一。
明锋：何为腰马合一？
星驰：腰马合一呢，喺我心目中浩气长存嘅已故伟大武术家李小龙先生已经解释过架喇。但系如果你再想知多啲嘅，唔啱跟我学两堂功夫吖。
明锋：学咩功夫吖？睇你个款，咪喺处扫地嘅？！
星驰：扫地只系我表面嘅工作，我真“正”身分系一位研究僧！
明锋：研究生？！
星驰：从事如何有效地发扬少林武功嘅研究工作。呢张系我嘅卡片。
明锋：少林正宗大力金刚腿？
星驰：系呀，好大力架。（踢腿）
明锋：打打杀杀你揾过第二个啦。我受过高等教育嘅。
星驰：错喇。你睇嗰个女仔。（手指前面行紧嘅一个靓女）
明锋：靓女又点啫？我系读书人呀。
星驰：唔系，唔系，唔系，你睇你睇你睇你睇你睇…………噢………
（李卉踩中蕉皮sin3低）
两人：YEAH！
星驰：如果佢识得少林派嘅轻功就唔使搞成噉啦。嗱，你睇你睇----
（明锋表演少林轻功）
*星驰：所以话，武功的确系——“神”！小姐，有冇兴趣学功夫呀？
老板娘：（普通话）你个死丫头一点用也没有！我只不过是去做一下面膜。你把这里惹得乱七八糟的！真是贱骨头！你个臭要饭的，你过来干什么？
星驰（普通话）：你骂人不要骂得那么凶。我是来买馒头的。（攞咗个馒头）
楼上某男（普通话）：喂！老板娘，馒头好了没有啊？
老板娘（普通话）：好了好了。等一下。那个臭要饭的有没有给钱啊？
（星驰走夹唔唞）
阿梅（普通话）：给了。
老板娘（拎起对鞋）：这脏了吧唧什么东西啊？还不把它给我扔了！
（某舞厅内）
星驰：大师兄！大师兄！大师兄！大师兄！
*大师兄：得嘞！得嘞！得嘞！得嘞！你哋做嘢啦，抹吓嘢啦唔该？！
星驰：大师兄，你见唔舒服咩？
大师兄：擒晚饮大咗，个头好怫呀，又想点呀？
星驰：我想话你听，我醒喇。
大师兄：醒嘞咩？
星驰：醒嘞。我终于领悟到，如果要将少林功夫发扬去全世界，系要讲包装！
大师兄：咩包装呀？
星驰：唱……歌。今日我嘅遭遇讲出嚟你都唔信嘅。我经过间馒头店?。
大师兄：唔好讲嘞！
星驰：唔系哩，少林功夫加唱歌跳舞，你话有冇得谂？
大师兄：冇得谂！
星驰：你唔做过又点知啫？
*大师兄：唔好做！我劝过你脚踏实地架啦。呢度有份洗厕所嘅你咪做住先啰，唔好发梦喇。
星驰：做人如果冇梦想，同啲咸鱼有咩分别呀？！
大师兄：你鞋都冇一对，咪咸鱼一条啰？！学咩人讲理想吖？
星驰：噉又唔系呀，我心中嗰一团火系唔——会熄架！
大师兄：吹咪熄啰？！唔熄？
星驰：熄咗可以挞返着啫。
大师兄：够喇！我有我嘅生活，你有你嘅挞火，总之你唔好烦住我啦！我重要揾食架，大佬！
星驰：哦，噉你当年苦练嘅铁头功，你忍心眼白白睇住佢荒废晒咯?？
大师兄：错，呢十几年嚟我嘅铁头功从来未有一日荒废过！
老板：阿飞！
大师兄：老板。
*老板（攞啤酒樽扑大师兄个头）：顶你个肺，听晚跳舞啲女诈晒型走晒喇，你重喺度懒懒闲？！
大师兄：唔系哩，我谂过重绝嘅桥。
老板：咩桥呀？
大师兄：就系少林功夫加唱歌跳舞。
老板：咩少林功夫呀？
（大师兄指向星驰）
（星驰练踢腿）
老板：边度得呀？一个咁寡？！
大师兄：一个够杀架嘞。
老板：不得！加埋你呀。
大师兄：我？！
老板（攞啤酒樽扑大师兄个头）：顶你个肺，你铁头功嚟架嘛。听晚你唔好衰畀我睇呀，唔系我杀咗你呀！
大师兄：知道！
星驰：大师兄，多谢你！
（大师兄同五师弟唱歌）
大师兄：少林功夫醒！
五师弟：好好嘢！
大师兄：少林功夫劲！
五师弟：系好“劲”！
大师兄：我系铁头功！
五师弟：无敌铁头功！
大师兄：你系金刚腿！
五师弟：我系金刚腿！（忍唔住笑）
大师兄：认真啲吖！
五师弟：少林功夫好嘢！
大师兄：真好嘢！
五师弟（又忍唔住笑）：少林功夫好嘢！
大师兄：真好嘢！
五师弟：少林功夫好“劲”！
大师兄：冇得顶呀！
五师弟：我系金刚腿！
大师兄：金刚腿！
五师弟：佢系铁头功！
*大师兄：哗！哗……哗你个头啊！
（然后两人走出嚟跳舞，突然五师弟畀酒樽掟中个头）
甲：你哋唱咩呀？唱到喊惊噉。
乙：啲歌词又鬼五马六！
丙：我呀，一句都听唔明白！
乙：咪系啰，啲歌词边个作架？
丙：边个作架？
乙：讲啊！
（大师兄用手指住星驰）
五师弟：其实，创作嘅嘢呢，就好主观嘅，不过你哋嘅批评呢，我一定会跟进嘅。况且唱歌只不过系前戏咋噃，高潮就系少林嘅大力金刚腿同埋铁头功。
乙：（用木棍打五师弟个头）铁头功吖嗱！
大师兄：一早话你啲歌词唔得架啦。
五师弟：我唔系铁头功，嗰个先系铁头功。
乙（继续用木棍打五师弟个头）：铁头功吖嗱！
五师弟：都话……
乙（继续打）：铁头功吖嗱！
丁（用凳打大师兄只脚）：金刚腿吖嗱！
大师兄：哎呀！嗰边金刚腿呀！
丁（继续打）：重金刚腿？打你个金刚腿！打死你……
丙（举起自己只脚）：我先系金刚腿，哈哈。
四师兄：喂！点称呼呀？
明锋：叫我阿锋得嘞！
四师兄：锋哥呀嘛？喺财经界边个唔识阿锋哥吖？你睇佢一身嘅IT look。
星驰：阿锋哥系足球教练嚟嘅。
四师兄：足球教练吖嘛。喺足球界边个唔识阿锋哥啫！我哋细细个睇阿锋哥踢波啦！你系用对脚踢波架嘛？嗱，我冇讲大话啦，有咩捞先？
星驰：谂住揾你组队踢波啰。
四师兄：咩话？你揾我踢波？我半年冇嘢捞喇，你揾我踢波？
星驰：唔系呀，你当年嘅鬼影擒拿手，如果攞嚟做龙门……
四师兄：鬼咩擒拿手吖？N年前嘅事喇！师父死咗几耐我都唔记得嘞！
明锋：你听我讲啦，今次我哋系参加两年一度嘅超级杯，赢咗有一百万奖金架！
四师兄：吓哗！所以我不留都话你系最醒目嘅。睇你捞到身光颈靓，你睇你靓到！当年师父叫我哋将少林功夫发扬光大，而家攞嚟踢波都畀你两条仆街谂到？！*直情系！你睇吓你睇吓，当年我哋几师兄弟嘅合照，我一路都摆喺枕头底你就知我咩喇。
星驰：喂，噉我哋就坐低慢慢咩喇！
（门又闩，两人又舐嘢！）
四师兄：得闲call你哋呀。喂！预埋我?。
（某公司大楼前）
*三师兄：喂，我唔得闲同你讲呀，几个客等紧，我又要睇住个市，秒秒钟几呀万上落架嘛！(手机）喂，而家咩价？啱啱个司机今日就放开假，啱啱呢今日系车几架车畀人哋！重要啱啱我银包又攋低喺上面！恕我请唔到你食饭喇，我真系好忙架！（推自行车）行开啦！
星驰：考虑吓喇三师兄！你当年嘅金钟罩铁布衫，如果攞嚟打后卫嘅话……
三师兄：你……你重讲金钟罩铁布衫？你睇吓，一天都系飞机呀，一街都系电脑呀！而家咩世界呀？你醒吓啦！
星驰：所以我谂住用武功配合埋足球呢个新组合咯！
明锋：系呀！啲奖金好和味嘅！
三师兄：我顶！你真系当我？我几呀万上落，无端端要跟你班废柴去踢波！唔好意思，你知我个人系咁直架喇！重要无端端跟你条死跛佬去参加比赛！原谅我系直呀！最后重要无端端赢咗场比赛?，个或然率重低过零呀！
星驰：其实或然轮嘅嘢……
三师兄：你个样就轮呢！系或然率呀！简单啲嚟讲呢（扐出一文硬币）----就系，一系就公，一系就字，永冇中间架！中间嘅或然率咪零啰！
星驰：等我试吓。
*三师兄：你扯呀！（硬币滚落地……）我约咗人喺coffee shop食晏架！我好忙架！
星驰：我哋两个请你食碗嗱喳面再倾吖！
*三师兄：我……我几呀万上落，会走去同你走去食嗱喳面？
（两人畀赶走！三师兄耷低头睇到硬币居然系中间！）
（某超市）
星驰：呢位就系我六师弟，绰号“轻”功水上飘！呢位系著名足球锋哥！
六师弟：锋哥！你好！
明锋：乜飘呀？
星驰：“轻”功水上飘啊！
明锋：“轻”生你好！
六师弟：咦，师兄，乜你谂住去踢波咩？
星驰：系呀！如果有埋你身轻如燕水上飘助阵，我哋上中二路嘅攻击够胆讲话冇破绽架！
明锋：你真系咁够胆？
星驰：系呀！
明锋：好呀！啊，呢处有冇减肥药卖嘅呢吓？
六师弟：冇用架！我呢只系感冒菌入脑下垂，减唔到架嘞！自从师父过身之后，我就一路都系噉架嘞，而家莫讲话轻功啦，想行快步路都唔得！
*星驰：肥就肥咗啲，不过问题——不大嘅。
六师弟：算啦，你睇吓我以前个样！自从搞成噉之后，连女都沟唔到！呢种心情你哋系唔会明架。
星驰：我明，我又何尝沟到女啫！
六师弟：唔系吖，报纸杂志话你好多女架?。
星驰（紧张）：咩报纸杂志呀？
六师弟：哎，对唔住，我又讲错嘢！自从有咗呢只病之后，我都要成日失控！你唔好理我，你走啦！
星驰：师弟！
星驰：畀啲信心自己啦！你“电”（掂）架。
六师弟：而家人人都叫我做猪肥腩，系得你叫我做师弟架咋。多谢！
中年妇人：猪肥腩，帮我扐红色嗰筒厕纸落嚟吖！红色嗰筒呀！
（猪肥腩跌倒）
（某鱼市）
二师兄：踢波？
星驰：系呀，二师兄！你当年嘅旋风地堂腿如果攞嚟做后卫呀，我够胆讲句系……
明锋：毫无破绽吖嘛。
星驰：咪系。
二师兄：你睇我依家噉样，重系旋风地堂腿咩？！
星驰：嗯，生疏少少唔紧要嘅，只要有斗志，武功就会返嚟架嘞！
二师兄：系咩？
星驰：不过前排我见你重倒紧屎架，“典”（点）解好哋哋又转做洗碗呢？
二师兄：“典”（点）解？“典”（点）解唔系你哋问呀？系我问呀！“典”（点）解我老窦唔系李嘉诚呀？“典”（点）解我生得咁靓仔，但系要甩头发？你哋两个咁肉酸，但系冇甩头发？“典”（点）解人哋细嗰时有书读，而我细个时就畀个老坑迫住嚟练咩烂鬼武功！练到依家喺呢度，洗碗！倒屎！
星驰：阿二师兄你冷静啲吖！其实命运始终掌握自己手嘅。
二师兄：冷静？！如果唔够冷静呀，我就一刀斩死你两个粉肠！冷静？！
（夜总会，厕所）
老板（攞起个啤酒樽扑大师兄个头）：仆你个街！你坐喺度唔使做呀？闻唔闻到臭呀？转头返嚟重有臭味，同我舐干净佢呀！
（各位师兄弟都睇紧以前张合照）
（镜头换到星驰屋企）
明锋：喂！好嘢?呢处！样样都好齐全?。估唔到你喺地下扫地，居然可以喺五十九楼嘅天台住Penthouse，好有生活品位?！而家呢啲噉嘅单位呀，好渴市架！我揾咗好耐都揾唔到呀。系，系个冷气喉嘈啲啫！唔拘！唔拘！喂！响你处隔多间房住得唔得呀？喂！喂！
（明锋走上天台，坐喺星驰隔篱）
明锋：算啦，你班师兄弟都冇只似样嘅！嚟唔嚟都罢喇，揾过其他人啰。
*星驰：都系我唔好吖，讲唔过佢哋！
明锋：唔好噉讲，我噉嘅跛佬你都咁信任，多谢你就真！
（呢个时候猪肥腩第一个跑咗上来，其余几位师兄弟陆续上嚟，7个人嘅手扼埋一齐）
（训练场）
明锋：我会喺最短嘅时间，将你哋训练成为足球员！所以你哋要严肃认真！团结向上！
星驰：明白晒！踢波呀！（讲完将个波猛咁踢向天空，个波好耐至跌落嚟。）
三师兄（打电话）：你听我讲好唔好呀？你站喺我立场谂吓，你会点嘞？噉咪系啰。哎！哎！我有电话入，等阵。
四师兄：哎，个波跌返落嚟喇！
星驰：你舍得落嚟嘞咩？等你个几钟头呀！等你个几钟头呀！（众人猛踢足球）
明锋（吹鸡）：做咩呀？
星驰：踢波呀！！！
明锋：只波响嗰便呀！（吹鸡，指星驰）你，企过嚟，你喺处射个波我睇吓。
星驰：个波喺嗰便！
明锋：噉咪就系啰，个波喺嗰便嘞嘛，你连个波你都攞唔到，点踢波呢？哎！其实踢波不外乎四个基本：传、停、带、射！
星驰：我明白！
明锋：你咪喐！你哋要由基本做起！
（开始训练其他人）
明锋：你嘅。控停！集中！集中！传！传！传呢便！嗱，你啲噉嘅假动作呢可以再假啲添。你差唔多喇，几假喇。假啲添。再假啲。
星驰：教练，点解我冇份练呀？
明锋：哎，你只脚系好大力，但系你做唔到收放自如吖嘛。啊！下下将个波到上天，万一打架飞机落嚟，赔唔赔得起呀？
星驰：赔唔起！
明锋：噉咪系咯！肥聪呀，借你啲鸡蛋一用呀！
六师弟：吓？
明锋：嗱，你能够将只蛋好似控波噉控得掂至讲呀！
星驰：好呀！嚟吖！
明锋：嚟！（星驰鞋面，蛋碎）有难度架！（六师弟扑埋嚟食鞋面啲鸡蛋）
星驰：超！算罢啦，六师弟你！（畀人拉开）
六师弟：我只蛋！我只蛋呀！
星驰：总有一日还返畀你嘅！
*六师弟：还你老尾！畀返只蛋我呀！
明锋：唔好分心，继续！
（唔小心抌喺条裤上便，肥膘又冲埋嚟，星驰急中生智将蛋掟入三师兄口中，肥彪扑向三师兄）
明锋：Mark嘅要跟紧啲呀！点解畀人起到脚呀？射嗰个呀，用啲力呀，我都扑到喇。
六师弟：哗！好犀利呀！
大师兄：佢一个人踢晒得啦。
明锋：足球，唔系一个人可以踢得晒嘅。
（经过刻苦训练之后同一个业余球队较量）
明锋：比赛三十分钟，中场冇休息，一切依足国际球例。我做球证，大家冇意见吖嘛？
领队：傻啦，当年人称黄金右脚嘅锋哥，今日带一班年轻人嚟同我哋打场友谊赛，你重做埋球证添，系我哋嘅荣幸。（扼手）大家叫声锋哥吖！
众人：锋哥！
明锋：得喇得喇得喇，呢个后生仔呢之前同你啲队员有啲冲撞，噉咪所以谂住打场波，噉就切磋吓球技，以前嘅恩怨咪抹咗佢啰。佢哋好有诚意架。
领队：从佢哋整齐嘅制服，友善嘅眼神，我完全感受到嗰份诚意同埋体育精神。
星驰：多谢。
（裤内跌出一支扳手）
领队（执返）：大家唔好紧张，我本身呢，系一个汽车维修员。呢个士巴拿系攞嚟上螺丝用，系好合理嘅。
明锋：系嘅。系嘅。
（裤内又跌出一支槌）
领队：正如我头先所讲啦，我身为一个汽车维修员，有个槌旁身，亦都系好合逻辑架。
明锋：得喇得喇，你哋球队嘅作风喺业余界都好出名，我完全明白。
领队：哦，呢啲只系虚名嚟啫，就好似浮云一样。
明锋：好呀好呀，总之呀执生喇。大家揸吓手。
（比赛开始之后，大家都畀尽执，最后球场有如战场一般）
星驰：呼叫基地，突然间受到密集嘅火力攻击，立即要求增援，立即要求增援！！！
明锋：起身！起身！快啲起身！快啲起身！做咩呀你？
星驰：好茅呀，你重唔吹鸡？
明锋：我系球证，我唔吹！
星驰：噉即系点呀？即系ung2我哋去死啫？
明锋：你！出场！（出示红牌）
星驰：你傻咗呀？
明锋：呢个系个考验！如果佢哋连呢一关都过唔到，以后就唔好再讲踢波！
星驰：噉都系踢波啫，你估打仗咩？
明锋：真正嘅比赛，就系打仗！
大师兄：投降喇！投降喇！投降喇！我投降喇！
领队：你够胆喽我斗波，而家波都未入，你就想褪轪？咪即系捻化我？
大师兄：我唔掂嘞，我条腰骨断咁滞呀！求吓你当可怜我，畀我睇医生吖！
领队（除咗底裤）：笠住佢呀！
大师兄：吓？
领队：你睇你几呀岁人，个样几狗！你有冇尊严呀？我唔想再望到你，快啲笠住佢，然后睇医生吖！
大师兄：我系好狗架，我猫尊严架。扐过嚟。（笠住个头，众人狂笑）
星驰：大师兄返嚟嘞！
明锋：讲咩话？
星驰：我感觉到，全部返晒嚟嘞！
（众人揾返少林功夫嘅感觉）
领队：重有冇架撑？
众人：冇呀。
*领队：重有！
（几十只鞋飞向四师兄，畀四师兄一一接住）
（个波将个球门立柱打到扭曲晒）
星驰：哎呀！噉都唔入？
领队：救命呀！（冇鞋挽屐走）
师兄：全靠你，我哋先有机会发挥得到。
星驰：欢迎各位师兄弟归位！（叩头）
师兄：多谢你。（叩头）
明锋：你哋唔使客气，我要多谢大家就真！（跪地）呢镬我发达喇！多谢晒！多谢晒！多谢晒！
眼镜们：我哋认输喇，求吓你畀次机会我，加入你球队吖。求吓你呀！求吓你呀！求吓你呀！……
（强雄在用特殊方法训练队员）
强雄：咁惊人爆炸力，魔鬼队攞世界冠军系迟早嘅事。
强雄：（接电话）喂，边个话？个跛佬？
（明锋带波队报名参赛，畀女服务员阻拦）
明锋：做咩唔得啫？
工作人员：唔好意思呀，先生！
明锋：僆妹，我打波你未出世呀。咩唔好意思啫？
工作人员：我哋负责人唔喺度呀。
强雄：（赶到报名处）黄金右脚！乜你又喺度呀？
明锋：雄哥！
工作人员：雄哥，佢……
强雄：得嘞。得嘞。（打发工作人员走）
明锋：雄哥，我谂住带我队波嚟参赛。公开赛吖嘛，系人都有权报名架啦。
强雄：哎！唔系系人都有权，我系委员会主席，我话有权你先有权，明唔明？
明锋：系?。系?。
强雄：噉你个队系咩队呀？
明锋：嚟嚟嚟，过嚟过嚟，大家过嚟，叫阿雄哥！
队员：雄哥！
强雄（仔细端详各个队员）：哈哈哈——呢队系极品嚟架?！我真系好想睇呀，咩名堂呀？
明锋：呢队叫做少林足球……
强雄：好，算，算，算，是但，是但，是但……你快啲报名，我真系好想睇佢哋。你有冇报名费呀？我同你畀埋。
明锋：多谢！多谢！
强雄：哎！有乜所谓呀！我同你一世人两兄弟吖嘛，死跛佬！哎，我对鞋又污糟咗嘞。
明锋：白色嘅易污糟嘅。
强雄：噉应该点呀？
明锋：我帮你抹，我帮你抹。
星驰：清洁我拿手呀，等我嚟呀！
大师兄：粗重嘢我嚟啦。
六师弟：不如等我嚟。
众人：（纷纷涌上）我嚟，我嚟，等我嚟，等我嚟，等我嚟！(抢走对鞋)
（强雄嘴喐喐）
（脚上，烂袜，露出半个脚趾）
（甜在心馒头店）
星驰：Hi！
阿梅（普通话）：你干吗？你是谁呀？你带我去哪儿啊？你一直都不讲话干吗？我要回去了，明天还要……
（入咗一间商场）
工作人员：乜你咁耐架？
星驰：对唔住，等多一阵呀，好快呀，好快！
（星驰带阿梅睇衫）
星驰（普通话）：试试看。
阿梅（普通话）：不不不，我是看用什么材料做的。
星驰（普通话）：那摸摸看。
阿梅（普通话）：会把它弄脏的。
星驰（普通话）：没关系。
阿梅（普通话）：不不不。
星驰（普通话）：来，摸吧。来！
阿梅（普通话）：不用了。
（星驰揿住阿梅嘅手喺件衫上面)
星驰（普通话）：怎么样？
阿梅（普通话）：挺滑的。
星驰（普通话）：我送给你。
阿梅（普通话）：摸了就可以了。
星驰（普通话）：我告诉你，我明天要去踢足球。
阿梅（普通话）：是吗？
星驰（普通话）：我一定红透半边天的！但是如果没有你帮我把这个鞋补好，可能我都不踢球了。你对我是多重要，你知道吗？你喜欢什么，快告诉我。我很快就可以送给你。
阿梅（普通话）：你要是红了，就送我一双波鞋吧。
星驰（普通话）：这个太没有问题了吧。但是我觉得你也应该有点自信！其实你是很漂亮的，武功又高强，简直是完美！但是不要老低着头头发挡着脸。来来来，来吧，看着我，看着我。看着我，看着我，看着我，看，多漂亮！
阿梅（普通话）：真的吗？
星驰（普通话）：是啊。
阿梅：哦。
（一只乌蝇喺阿梅面前嗡嗡叫，星驰一个耳光打在阿梅面上）
阿梅（普通话）：是苍蝇吗？
星驰（普通话）：是，还没有打。（又一巴）
阿梅（普通话）：打到了吗？
星驰（普通话）：打到了。
阿梅（普通话）：对不起呀，把你的手都弄脏了。
星驰（普通话）：没事。你是最漂亮的，你知道吗？
（阿梅岌头）
星驰（普通话）：你知道吗？
阿梅（普通话）：知道，知道了。
星驰（普通话）：我真地很感谢你呀。（拥抱阿梅）你知道吗？
工作人员：喂！你去边呀？你话应承帮我手做嘢我先畀你带条女嚟威架咋?。唔好睇咁耐呀，我孭镬架。快搞掂佢吖！
星驰（普通话）：你先走吧，我再去找你啊，好吧。
（开始洗地）（普通话）要有自信啊。你是最好的，你知道吗？
（外围赛赛场１）
星驰：我好钟意呢件衫呀。
四师兄：我好钟意对袜呀。
星驰：不如我哋调换着好吗？
四师兄：好呀。好呀。
明锋：唔好玩啦，衰仔，未见过大场面？放松啲，平时练波一样得喇。嗱，阵间会有好多观众同记者架，同啲记者笑吓，畀啲摄影机影吓我哋，同啲群众热情打吓招呼。多谢人哋支持我哋。多谢你哋！
星驰：多谢晒！
队员：多谢你哋！……
星驰：多谢！多谢大家嘅支持！多谢！
大师兄：扫地嘅咋噃！
星驰：（掴咗大师兄一巴）扫地唔系观众呀？！多谢晒你哋！
工人：唔——好——嘈——啦！
*二师兄：喂！个场咁细，重空“寥寥”，你又话……
明锋：外围赛系噉架嘞！嗱，所以我哋要畀心机，打入决赛！
众人：好！！打入决赛！打入决赛！……
工人：唔——好——嘈——啦！
众人：（细声）打入决赛！打入决赛！……
（扫把从天而降）
谷德昭：少林足球队？睇吓呢个，睇呢个，哈哈。睇嗰个，睇嗰个，哈哈哈！！
（球证吹鸡，向大师兄出示黄牌）
大师兄：咩事呀？唔食得烟呀？（捺熄烟）
谷德昭：哈哈哈哈哈哈！
（星驰一脚射球，球入）
星驰：呀呀呀呀呀呀！
谷德昭：做咩呀？（自言自语）冇理由嘅，幻觉嚟架啫。
（星驰拔脚怒射，球又入）
谷德昭：做咩啫你？
*谷德昭：唔使惊，幻觉嚟架啫，睇嚟我哋山西豆腐队要出真功夫嘞。
（星驰冲上嚟，二人对视。）
谷德昭：又做咩啫你？
（又入一球……）
谷德昭：唔好噉啦你哋，我想踢波呀！
（强雄打紧高球）
保镖：雄哥，电话。
谷德昭：幻觉嚟架啫，吓我唔倒嘅。
（连人带球畀射入球门）
强雄：咩话？！四十比零？！
（少林队一路过关斩将）
*星驰（接受访问）：冇错，我哋学嘅系少林武功。所以话武功的确系dang，系冇得顶！
三师兄：我哋好低调嘅。
星驰（抢咪）：重有，我要多谢我嘅父母同埋师父！虽然佢哋已经过咗身，但系我重要多谢我好朋友阿梅！阿梅，系我呀，阿梅！你见点呀？食咗饭未呀，阿梅？
（美容店门口）
李健仁：靓女，你嚟揾我呀？
阿梅：我想……
李健仁：唔好讲啦，放心交畀我啦。
，又赢了所有外围赛）
（记者争相采访少林队）
记者（普通话）：可不可以现场给我们观众表演一下啊？
星驰（普通话）：可以，可以。肥仔聪！一、二、三！（肥仔聪飚咗上天）
记者（普通话）：有没有再有一个？可不可以再表演一个呀？
星驰（普通话）：可以，可以。
（各师兄弟换新波鞋）
服务员：慢慢！慢慢！唔好咁急！慢慢拣！（仆亲）
星驰：各位师兄弟，从今日开始，我哋要同呢拃旧鞋讲拜拜呀！
（众人将鞋向上掟，鞋掉低碛落众人头上）
*服务员：哎，你们不要乱扔东西好不好？
众人（普通话）：对不起，对不起……
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
（甜在心馒头铺）
（浓妆艳抹嘅阿梅）
阿梅：HI！
星驰：阿梅？！
阿梅：点呀？
星驰：哗！我估唔到你个人系噉架。
阿梅：做咩啫？
星驰：你以为我唔知你想点呀？
阿梅：讲咩?？好衰架你……
星驰：你吓我唔倒架，我都唔怕鬼嘅，你知唔知呀？
阿梅（普通话）：你什么意思啊？
星驰：冇嘢。（普通话）送给你……（递畀阿梅一双新买嘅波鞋）
阿梅（普通话）：我觉得，我今天特别不像以前的阿梅。
星驰：是啊，现在的阿梅已经是一个很自信的女孩子！
阿梅（普通话）：跟你说一件事情。
星驰（普通话）：什么？
阿梅（普通话）：我喜欢你。
星驰（普通话）：我也喜欢你呀！
阿梅（普通话）：那我们之间是爱情吗？
星驰（普通话）：你……你是开玩笑吧？
阿梅（普通话）：我是认真问你的。真的。
星驰（普通话）：那当然不是爱情。我们－－永远都是好朋友！那不是更好吗？
阿梅（普通话）：没什么。那，那你以后也常常来找我啊！鞋子破了，我还可以帮你补。
星驰（普通话）：不会的，鞋子破了，我就把它扔掉。我们都要向前看嘛。我永远都不要再穿破鞋子！
（阿梅喊）
星驰（普通话）：不要这样子嘛。干吗？你哭啦？你不要这样子嘛。
阿梅（普通话）：我明白了，谢谢你。
阿梅（普通话）（跑返去甜在心馒头店）：来来来，大家一块儿喝酒吧！来来来，干杯！
明锋：赢埋呢场，我哋就打入决赛！
众队员：决赛！
明锋：但系千祈唔好轻敌！
众队员：轻敌！
莫文蔚：我哋玉面双飞龙并唔系话浪得虚名嘅！
张柏芝：想入决赛？问过我哋先！
（两人带球飞速喺六师弟身边闪过）
六师弟：有冇咁快呀？！
星驰：吊威吔架咋吓哗？
（少林队最终赢得比赛）
（雄哥别墅）
明锋：雄哥，早晨！
强雄：哎，早晨！早晨！过嚟坐！过嚟坐！啊，你个死仔真系呀，一世好命呀。噉都畀你揾队好嘢。
明锋：托赖！托赖！
*强雄：喂！其实你啲咩铁头功呀，心口碎大石呀，大笪地嘢嚟啫。哈，噉都可以打入球场嘅，好嘢，好嘢，好嘢！嗱，闲话少说嘞。（递张支票畀明锋）决赛嗰日唔好打，全队过晒嚟！喂，呢次唔系空头支票嘞，你可以cash咗先签合约架。
明锋：咁大笔数目，真系打跛脚都叹唔晒呀。
强雄：梗系啦！我同你一世人两兄弟吖嘛！
明锋：多谢晒?，雄哥，不过我怕受唔起?。
强雄：咩意思呀？你以为我怕咗你呀？喂，我见你队波几有噱头，想大家一齐做大佢咋?！做人就心胸广阔啲，向前看，唔好咁记仇，OK？
明锋：雄哥，其实我真系冇记仇。后生嗰阵唔生性，所有嘅嘢都系自己攞嚟嘅。
强雄：超！你喺度扮嘢呀？喂！我睇通晒你架嘞。你会唔贪？！
明锋（笑）：真系畀你睇通晒，唔单止系我，我哋成队波都贪，不过唔系你呢张支票，全国冠军，球场见！
（少林队去参加决赛，路经甜在心馒头店，星驰落车）
星驰：唔该！唔该！唔该！
星驰：阿梅！
老板娘：死咗喇！
星驰：佢点死架？
老板娘：畀我打死架！
星驰：我唔信，阿梅武功咁好，凭你打死佢？！佢一定系死得好冤枉架！
老板娘：噉你想点呀？
星驰：我要同佢——报仇！（一拳打穿门板）
老板娘（立即变脸，满脸堆笑）：傻啦！讲吓笑啫。佢未死，不过佢唔喺度做架喇。
星驰：点解呀？
老板娘：唉，话明我哋呢度系甜在心馒头架嘛！呢个傻女唔知点解突然之间整嘅馒头又苦又咸，搞到冇晒生意呀，我都系被迫炒佢架咋。
星驰：又苦又咸？
老板娘：系呀。啊，呢位大侠贵姓呀？揾佢咩事呀？
星驰：（睇手中嘅决赛门票）冇事嘞。
老板娘：（小声）黐线！
（星驰怅然，喺地下执起一个馒头，脑海中阿梅嘅泪水滴喺啲面中……）
明锋（嗌星驰）：喂！够钟开波喇。
（决赛开始，体育场异常墟冚）
强雄手下：老世呀，今日谂几多球呢吓？
强雄：要赢唔一定要入波架，（担住雪茄）我重有啲更激嘅方法。
（比赛开始，星驰射球，几次射球都畀对方守门员稳稳接住个波，星驰惊讶到跪地）
明锋：冇可能。
强雄：哼哼哼哼哈哈哈，啊，估唔到美国呢只新药真系咁激。
（镜头转到回忆中，魔鬼队队员畀注射药之后，变得强壮无比）
*强雄：重有球证、旁证，足协，足总，叔伟，全部都系我嘅人，点同我斗呀？
（魔鬼队守门员怒吼一声，直接将球掟向少林队大门，畀四师兄守住，魔鬼队攞到球射球，四师兄畀球嘅力量打飞，撞到门粱，倒地，又企返起身）
四师兄：冇问题！
大师兄：耶！
二师兄：好嘢！
六师弟：掂呀！
星驰：冇得“顶”呀！
（魔鬼队再次射球，四师兄竭尽全力守门，被球打倒在地，魔鬼队用球向倒在地上嘅四师兄面上踢，四师兄畀踢出几米远，将球场旁边啲广告牌撞碎，少林队全体呆晒，球证举旗示意。）
*明锋：界外球？兜头噉踢落去直情系蓄意伤人，你判界外球，点做球证呀你！（回过头对住强雄）强雄！你家下打波定打人架？
强雄：我系打人呀，你吹呀？我就要打到你队人好似你个跛佬一样残废！残废！残废！！同我斗？哈哈哈！
（明锋转过头，一个担架抬咗过嚟，四师兄瞓喺上面）
四师兄：唔好意思呀各位，我要唞唞呀。
星驰：唔紧要嘅，你个人行开咗啫，精神永远都会喺返度架。
四师兄带上墨镜，全体队员向他敬军礼。比赛继续进行
*大师兄：前面让开，我嚟。
*三师兄：你哋冲！
（魔鬼队队员厉害异常，少林队几兄弟连续受伤）
二师兄：啊——！
星驰：有冇搞错呀！（对住裁判）噉都唔吹？
（裁判睇咗睇表，吹响上半场结束嘅哨声）
强雄：哈，上半场都打到半死嘞，下半场打咩呀？收皮喇！你下半场打乜嘢呀？
强雄手下：噉重有得睇架？哎！使唔使我一阵间落去跳返part舞顶住呀？
强雄：跳舞都唔轮到你跳啦，系我跳！（跳舞）
星驰：你班仆街！（冲上前同魔鬼队主力斗法，两人旗鼓相当）
众队员：喂喂喂喂喂喂！做咩呀？喂喂喂！
裁判：行开，行开！（扐出黄牌）你哋梗系唔想踢定嘞。（黄牌畀人抢走）边个？边个？（转身）有冇人见到？（中咗一拳）哎呀！够胆喺我面前打！哎呦！（又中咗一拳，leoi1低）
（中场休息中，少林队更衣室，众队员伤痕累累）
队员甲：哎呀，唔好咁大力呀！
队员乙：我都够茅架啦，佢重茅过我！
*大师兄（缠纱布）：估唔到我铁头功一世英明，临老至畀人爆缸。
（六师弟瞓得好nam4）
明锋：岂有此理！我一早预咗强雄会出蛊惑嘅，势估唔到玩到咁尽架啫！魔鬼队冇咁犀利嘅，肯定系啪咗针或者系食咗药架啫。
大师兄（搽药膏）：一于报警拉人啦！
星驰：我唔理佢哋食咗咩都好！我哋都要尽力踢埋落去！最后我哋会赢架！
队员丙：我屋企火烛呀，我要去救火呀！
星驰：喂！
队员丁：对唔住，我阿妈突然间早产，我一定要返去帮手呀！
星驰：叫你阿妈迟啲先早产，场波踢咗一半，你点走得架啫？
队员丁：边系踢波架啫？！攞命嘅！
*星驰（跪地）：喂！唔系喂。当我我求吓你！喂！你唔好走喂。
队员丁（跪下）：当我求返你，你唔好求我呀，你畀我唞阵先喇！
星驰：唔好呀，喂！（异常沮丧）
明锋：冷静啲。
明锋：冷静啲。
明锋：冷静啲！冇错，佢讲得好啱，无论任何情况，我哋都要打赢呢一场比赛！而家我哋得返八个人，如果重有任何人受伤离场嘅，呢场波我哋就输咗嘞。佢哋嘅杀人射球，我哋一定要顶住！
大师兄：点顶呀？你顶一球，我顶三球呀。
明锋：你讲咩你？！（搉大师兄头壳）
大师兄：哎呀！（两人打咗起上嚟）
星驰：冷静啲！冷静啲！冷静啲！
三师兄：咪嘈！唔知我顶唔顶到呢？
（下半场哨声响起）
两队站到场上
（背景音乐响起）
少林队全力以赴（背景音乐响起）：嘿！少林罗汉阵！
强雄：啊？摆阵呀？
（魔鬼队一球将罗汉阵打破。音乐消失）
强雄：唓！不堪一击！
星驰：顶得住吗？
队员甲：顶得住。
（魔鬼队众队员一齐出击，星驰企喺门前，闪向左边，三师兄出现喺门前，音乐响起。魔鬼队众队员做出踢球状，少林队队员为三师兄担心，镜头转到三师兄，企咗一阵，攞出手提电话，拨号）
三师兄：喂，阿珍呀。
电话那头：田鸡呀。
三师兄：系呀，呢二十年嚟，我有句说话一直想同你讲嘅，其实……我爱你！
（放低手提电话，魔鬼队开始射球，音乐再次响起，三师兄全力守门，似火嘅足球一次又一次打喺三师兄身上。）
强雄：我哋噉样系咪残忍啲呢？
强雄手下：唔系呀。
强雄：唔系呀？
强雄手下：唔系呀。
强雄（大叫）：噉就再残忍呀！
（魔鬼队一人一脚，最后一个踢空，原来系三师兄用个肚将球吸住，少林队开始反击）
星驰：兄弟，上！
强雄：唔系呀哗！喂，小心呀，两个上！
（星驰一脚射球，成弧线，眼睇就要入架嘞，点知守门员一拳打喺球门上将球弹开）
*强雄：睇住呀！
星驰：搞错呀？
明锋：哎呀！
强雄：哎！
（星驰愤怒冲上前，畀队方夹攻，脚受咗伤）
星驰：啊呀啊啊啊！
裁判：继续！（对星驰）死咗未呀你？唔好扮嘢啦！
星驰：咦？呃你唔到添。冇事。（星驰好困难噉企起身，只脚已经肿晒）
强雄：时间无多喇！出绝招喇！
明锋：绝招？
（魔鬼队出绝招，杀人射球，三师兄牺牲咗）
*强雄：搞掂！早叫你收皮啦，重喺度揼波钟，赢咗！
（魔鬼队嘅队员厉害异常。裁判吹黑哨。少林队好多球员都受咗伤。局势极为不利）
裁判：少林队，嗱，你哋依家得返七个人，如果你冇后备球员入替嘅话呢，我就要正式终止呢场比赛，判你哋输架喇。
（少林队球员悲痛欲绝）
裁判：重有冇后备？
（明锋无奈摇头）
（强雄庆贺。裁判正要吹哨，阿梅出现……）
阿梅（普通话）：还有我。我是少林队的候补，我来当龙门。
（众人瞠目。星驰将阿梅拉埋一二角）
星驰（普通话）：你为什么弄成跟外星人一样？
阿梅（普通话）：我不会剪头发，剃光了比较快一点呀。
星驰（普通话）：那这是干什么呢？
阿梅（普通话）：我想帮你们比赛呀！
星驰（普通话）：你怎么帮呀？你快点回去火星吧！地球是很危险的！
阿梅（普通话）：我真的能帮你，你相信我，让我试一试好不好？
星驰（普通话）：不行！
阿梅（普通话）：真的！你看，你看，你的鞋都破了，穿这个吧。
（原来系星驰嗰双旧鞋，多咗好多补丁）
（阿梅登场，耷低头走去球门，唔小心撞亲喺门柱上。）
强雄：哈哈哈哈！
（阿梅捽捽吓头走到门前，同对方守门员企埋一齐，少林队全都羞愧地耷低头。）
强雄和手下：哈哈哈哈哈哈哈哈
对方守门员（普通话）：在那边！
阿梅（普通话）：（跑返少林队球门，哨声响起）上去！
星驰：好！（球落喺魔鬼队脚下）哎呀！
强雄和手下：哈哈哈哈哈哈哈哈！
星驰：小心啊！
（魔鬼队出绝招，阿梅亮出太极八卦掌，以柔克刚，四两拨千金。将杀人射球轻松化解。）
星驰：哗！
明锋：啊！好！（奋力拍掌）
（阿梅将手中的球悬转抛出，星驰全力一脚，球形成强力气流，昏天暗地，将对方全体队员卷到几米外，入咗球门，少林队获得比赛胜利。）
强雄：有冇搞错呀？点会噉嘅？点会噉架？
强雄手下：老世，你小心啲呀！
强雄：我小你家姐咩？
强雄手下：老板！
（强雄喺台阶滚落，撞喺栏杆上）
强雄手下：老板！老板！
（少林队赢咗比赛）
（看台上，领奖台前，众人将星驰举至空中欢呼）
（星驰走到奖杯前）
星驰：多谢多谢。（举起奖杯）
（看台上万人欢呼鼓掌，星驰将手搭喺阿梅肩上，定格，成为报纸新闻嘅图片，新闻题目：少林精神战胜魔鬼，勇夺全国足球冠军，报纸嘅另一面写住：魔鬼队服用禁药，魔鬼队全体队员终身停赛，班主强雄被判入狱五年。）
（几个月后嘅公路上，众人皆武）
（美国《时代周刊》封面：星驰同阿梅嘅相片。功夫情侣，掀起功夫运动热潮）
==============================================}