SARA&SHAN&HKAWM&LAI&WA&AI&LAM《司拉山之路》第三部4-5章&景颇文
SHAN HKAWM LAI WA AI LAM
HPUNG MASUM
《司拉山之路》第三部4-5章 景颇文连载
Kongshan Hte Howa Manau Manau Ten Hta
1950 Ning na Shaning htum
wa mahka ten hta, Sara Shan Baushan hte K 1951 Ning Beijin
de gan lung wa ai aten hta ginra ga hta amu mabyin nkau ni byin pru
nga ai hkrai ang ai.
1951 Shaning pro ten hta,
Sara Shan Kunmin de nna Lungshon de bai nhtang du wa ai hpang gade
n na yang, Konggo Yawng hpe gap sat kau ai majan byin ma
Bai Sara Shan Beijin kaw
wa du nga ai 1951 Ning Shataman 11 nhtoi 17 ya jahpawt ten hta,
jarit makau hkan mayun shamu shamawt nga ai Komintang Gumshem Hpung
ni a Ngaw-ngam Dap ni, Kongshan Jawngkawng hte Janghong Lawu-tsang
jawng hpe wa mayun htim nna, Kongshan Jawngkawng hpe wa gap nat kau
ya let, Janghong na Mung-masha Gasa Lan Wen-cai hpe wa sat kau da
Dai lahkawng lang na
mabyin byin wa ai lang shagu, Sara Shan hte shi a Ningbaw manang ni
gaw Myithkrum Manau manau na matu
la rai ma ai.
Sara Shan Ningbaw tai ai
Jinghpaw Wunpawng Hpung gaw Jinghpaw Wunpawng mahkra hpe Langai
shabyin lu hkra myit jahkrum gumdin na matu galaw shakut sa wa ma
ai lam hpe, Jinghpaw Wunpawng Du Salang nkau ni myit n-hkrum lawm
ma ai. Shanhte gaw moi na akyu ara ni hpe hkra machyi wa na tsang
ai majaw rai ang ma ai. Dai myit n-hkrum lawm ai ni hta na Kawnggo
Duwa Kawnggo Yawng gaw grai nan ladu shalai ai wa rai nga
Sara Shan gaw Kunmyunit
Asuya hte grai ni-gahtep nga ai lam a majaw mung, Kunmyunit
Nhtangshai ai Komintang Gumshem Hpung na Ngaw-ngam Dap ni kaw nna
mung, sadi maja ai myi hte Sara Shan hpe azi yu nga
Bai lam mi hta gaw, Sara
Shan gaw shawa hpawng hta galoi mung “Sam Du ni hte Jinghpaw Du
Salang ni rau dung rau tsap lu hkra!” nga nna, shara shagu hkan
hpyishawn tsun hkawm nga ai rai nna, Sam Htusidu nkau ni n-ju
n-dawng shangun ai myit hpe ma jasu sharawt dat ya nga sai re
majaw, shanhte kaw nna Jinghpaw Wunpawng Du nkau ni hpe, Jinghpaw
Wunpawng Hpung hte Ningbaw Wa Sara Shan hpe nhtangshai lu na matu,
sumprat dok bang ai lam mung galaw wa manu ai!
Loilyang na Laure Wa,
Hulam bum na Zau Byen gaw, Wunpawng Hpung hte n-htangshai hkat na
nga nna “Kongshan Rung hpe sa run kau na!” nsen shapro dat ai.
Kawnggo Yawng mahtang gaw: “Ningbaw Wa Sara Shan a baw hpe lu gyam
sa ai wa hpe, gumhpraw Tengka Hkying mi jo na!” nga nna, ga hpran
shabra da ai.
Shiga dai ni hpe na lu ai
Wunpawng Hpung na Ningbaw nkau ni gaw, Jingpaw Wunpawng ni myit
hkrum lu na lam hpe n-ra ai dai masha ni hpe shawng shakrip kau na
matu maw ma ai. Raitimung, Sara Shan gaw myit nhkrum ya nga
“Anhte Wunpawng Hpung hpe
hpaw nna galaw sa wa nga ai lam mahkra gaw, Jinghpaw Wunpawng
mahkra hte ya daini rai nchye na lawm ai ni a gashu gasha prat du
hkra na akyu ara a matu shakut nga ga ai! Yawng chye na wa lu hkra,
shanhte hpe ahkying aten ni mung naw jo da ra ai! N-gup hku sha gaw
shanhte hpa tsun tim tsun nga mu ga, shanhte hpa n-kaja ai lam
galaw shapro dat sai lam rai n nga ai majaw gaw, hpa ahkyak n la
yang mai ai. Shanhte hpe lu gahkyin gumdin la lu na mahtang grau
ahkyak nga ai!” nga nna, Sara Shan a myit lu lam hpe, shia manang
ni yawng myit naw chyawm galu ya na matu tsun nga ai.
“Ga kaba tsun ai nsen ni
hpe sha madat nna, ga tsun-shut tsun-shalai kau ai ni hpe shakrip
kau na ga ai rai yang, moi na Gumsa Du ni hte hpa n-shai nga ai!
Dai lam gaw anhte a hpyen ni sha kabu nna, Jinghpaw Wunpawng sha ni
a myit hpe jahten kau chye nga ai! Nga wula lahkawng myit hkrum let rau
hkawm nga yang, Sharaw n-ni gahtep lu nga ai Jinghpaw
Gamalai zawn, Jinghpaw Wunpawng Myusha yawng, myit hkrum lu na
labau lit gaw anhte kaw ang nan ang nga sai hpe,anhte galoi mung
dum chye ra ai.”
Sara Shan Ningbaw galaw
sai dai shani kaw nna gaw, shi tinang &jahkrat da ai
tara langai mi gaw: “Galoi mung myit gahta let pot sindawng ai lam
hpe sadi koi gam nga na! Lu ai ahkaw ahkang hpe majoi n lang na!
Myit gahtet nga ai ten shagu hta, dodan lam hpe n-jahkrat na! Teng
n-teng ai lam hpe hkrak sha rai n-chye lu ai ten hta, dodan ai ga
hpe n-tsun shapro dat na!”
“Anhte Wunpawng Hpung na ningbaw ningla ni gaw, law la ai chyurum
ni a Magam gunhpai ya ra nga ai majaw, moi na Du Salang ni zawn
zawn, majoi majan shabyin shapro ai lam ni hpe koi yen kau na,
Manghkang hparan shut, masha sat shut ai lam n-byin na matu grai
sadi ra nga ai!” nga nna, shi a myit hpe galoi mung shadum la nga
majaw, Sara Shan gaw Loilieng Laure Wa hpang de shi nan laika ka
shagun jaw ai: “Nang nan Kongshan kaw sa du yu rit, na a myit
lu& lam ni
naw sa bawng jahta dan yu rit! Dai shaloi she, mi nang na shut, yu
shut kau ai lam ni hpe mung lu galai la lu na ra ai. Anhte Jingpaw
Wunpawng Myusha ni hta na, n-hkram kau n-mai ai lai-ngau langai mi
gaw —— Tinang hpa n-kam galaw ai hta lai nna, kaga manang ni galaw
sa wa ai lam hpe gaw n-tsen, tinang grau kaja hkra shakut na
mahtang, sa jahten lu na hpe grau arawng zawn nawn nga ai.—— Dai
zawn re ai lai-ngau chyabyak hpe, ya gaw gabai kau na aprat aten
nan rai sai!”
Sara Shan hte Wunpawng Hpung Ningbaw ni gaw, dai zawn rai shanhte
hpe n-htangshai na nga ai ni hpe, hpa ahkyak n la ya ai sha, dang
lu ai daram myit jahkrum lu hkra nga shakut sharang nga ma ai.
Raitimung, maga mi chyawm gaw sadi maja ai myit hpe shaja da nga ma
Gade nna yang, Loilieng Laure Wa gaw machyi nna si mat nu
aiHulam Zau Byen mung
Sai-hten a-ngawk mat sai rai nna, shanhte Wunpawng Hpung hpe hpa n
sa jahten lu masai rai nga ai.
1951 Ning Shataman 2 ten hta, Kawnggo Yawng gaw shi a gasha
lahkawng the masha nkau woi nna, Htap-yu Miwa Gahtawng de sa shang
da-mya ai. Damya ai hpang nta de hprawng wa ai lam lapran e, shiga
na lu ai Bangta, Mungteng hkan na Jinghpaw Mung-shawa Hpyenla ni e
Gawnggo Yawng a gasha yan hpe lu hkap rim la ma ai. Dai Mung-shawa
Hpyenla ni Kawnggo Yawng a nta de ni sa wa ma yang, Kawnggo Yawng
gaw shia nta kaw htu da ai Gaduk hpe machyu nna, Mung-shawa Hpyenla
ni hpe hkap ninghkap gasat nga ai.
Kawnggo Yawng a madujan gaw, shia dingla wa hpe Machyu Sutdek hpai
garum ya nga ai hpe, sadi law law lang jo tim n madat ai majaw,
shia magyi hta pala hkra nna, lakang lapran hta madai taw nga nu
ai. Bangta Salang Yesu Yawng gaw matsan yu dum nna, dai num jan hpe
pala n-bai &jung na matu, lakang
ntsa kaw nna pala nhkra na shara langai hta sa gan garawt jahkat da
ai. Raitimung, majan ngut ai shaloi bai sa yu ai yang, dai num jan
gaw sai hto ma nna si mat sai.
Mung-shawa Hpyenla ni gaw wan hte sharo nat dat ma ai raitim,
Kawnggo Yawng a nta makau kaw nhkru du nga ai. Jahtum ten hta, grai
share shagan ai Howa Salang Ai Lit gaw, Tabom 2 & 3 shawng kabai
bun nna, a-gajawng sha gumlawt tsap nna, Sinat hte Kawnggo Yawng a
baw hpe gap jung dat ai majaw, dai shani na majan hpe lu shangut
kau manu ai.
Kawnggo Yawng a gasha yan hpe lu rim la ma ai aten hta, shan a
Myiman hta chya da ai Di-hkama pyi naw kap nga ma ai. Dai shani
Jinghpaw Du Salang ni gaw tawn da ai htung tara hku nna, Kongshan
Rung de shawng wa sa jo na matu nkam hkan manu ai! Shanhte a myit
tsang lam langai mi gaw: “Kongshan Rung de du ai hpang, Ningbaw-Wa
Sara Shan gaw tara hte maren sha dai masha yan hpe Asuya hpang de
ap ya na ra ai, dai hpang Asuya ni gaw Htawng shaning nkau wa rong
ngut nna bai dat dat na ra ai. Dai shannau bai nhtang wa nna, matai
wa htang lu na aten hpe, shanhte gadai mung n kam jo ma ai rai nna,
dai shaloi jang lam makau kaw chyawm gap sat kau manu
Sara Shan hte Jang Den-xiang yan du sa wa ai shaloi gaw, dai majan
hpe shangut kau manu ai. Jang Den-xiang gaw dai shani na majan hta
sa shang lawm ai Mung-shawa Hpyenla ni yawng hpe grai sa shakawn
shagrau ai hte, N-gu Dang (50) htuk shapro nna, Ginwangdaw-Up Malai
rai nga sai Seng Naw-hkam hpe, dai shani na majan hta sa shang lawm
ai ni hpe garan jo na matu Matsun wu ai. Dai lang na majan gaw
Jinghpaw Wunpawng Hpung Uphkang nga ai Ginra hta na Bumdu langai
hpe shakrip kau hkrum ai Mabyin langai re.
Sara Shan gaw grau law ai Jinghpaw Wunpawng Myusha ni hpe myit
jahkrum la lu nna, Gumshem Hpung ni a jahten gunglau ga ni hpe n
madat ya na matu galaw ra nga ai magam bungli grai naw law nga ai
rmajaw gaw, law la ai masha ni hpe rau gahkyin gumdin shangun lu
ai, Jinghpaw Wunpawng Manau
hkrang hpe myit dum dat nu ai!
majaw, Sara Shan gaw Howa Gahtawng kaw Manau manau na matu Wunpawng
Hpung Ningbaw manang ni hte bawng jahkrum la wu ai. &&Dai
Manau manau na aten hta shanhte Kunmin Baushan hkan wa shang lawm
sai zuphpawng ni a lam ni hte, wa gawan hkawm lai wa yu sai lam ni
hpe mung, law la ai shawa masha ni hpe wa tsun shana dan na matu
dodan da ma ai.
Jinghpaw Wunpawng Manau manau ai lam gaw, ndai mungkan ga hta grai
laklai la ai Hkrang Langai mi nan rai nga ai. Law la ai Jinghpaw
Wunpawng ni a Manau ni hta na, madung ngu na Manau gaw My (4) nga
Manau: Majan badang dip la lu ai aten hta dum ai
Manau: Madai Nat Jojau ai nta ni, Nat garan nna nta
htingbreng pru, shing nrai, Gahtawng ningnan gaw sharawt sa wa na
shaloi dum ai Manau.
Sut Manau:
awng, sut su ai masha langai ngai a Arawng shapro, shawa masha hte
rau chyawm kabu lu na matu dum ai Manau.
Ju Manau: Arawng shingkang
lu, Hpung rawng hkungga ging sai Gumgai Dingla langai ngai hpe
Makoi mayan ten hta dum ai Manau.
&& Jinghpaw Wunpawng
Myusha ni dum ai Manau a Mying ni gaw, dum ai lachyum nbung ai
majaw Mying shamying da ai lam ni mung grai law nga ai raitim,
Ka Manawt ai Hkrang chyawm
gaw bung nga ma ai.
Manau hta N-bung hkat ai lam ni chyawm gaw, Manau manau ai ten hta
na Dumsa Ga hte, Manau
dum na Aten hte Nhtoi kalu
gadun ai lam ni N-bung nga ma ai.
prat dingsa hta Manau manau ai ten hta, Nat hpe shawng Jojau ra
aiLani hte lani n-bung ai
aten ladaw hta Manau hpang ra nga aiGade lang Manau ra
naNhtoi gade ya Manau
naMasum ya hte Matsat (3 - 8
) ya na hkra n bung ai nhtoi ni nga ma ai.
nna, Madai Nat hpe Jojau ai Manau manau ai Gahtawng ni hta, Laning
mi na ladu hkrum aten rai n gu yang, Manau Shadung hpe n mai run
dawm la kau ai. Dai Manau Shadung naw jung nga ai ten hta, Mare
gahtawng hta masha si ai raitim, n mai makoi mayan kau ai Htung
Tara ni nga ai!
Jinghpaw Wunpawng ni a Mau-mwi hta: Manau gaw U ni Jan Ga kaw
shawng wa sharin la nna, maling kaw ka manau nga ai hpe Jinghpaw
masha ni bai yu sharin la ma ai re,da!
& &1951 ning na Howa
Manau hte 1952 ning na Kongshan Manau ten kaw nna, 1980 ning ten
kaw nna Manau Hpang wa sai Shaning shagu dum ai Htunghking Manau ten du hkra,
Manau manau ai lam hta, Moi Nat Jojau Prat na shuk la ai Htung Tara
ni hpe n lang ai sha, Jinghpaw Wunpawng Manau a tsawmhtap ai
Ka Manawt Hkrang hpe
sha sharawt shaja yu wa na matu, Sara Shan woi awn galaw lai wa
Dai majaw, Howa hte
Kongshan Manau hpe
Myithkrum Manau nga nna sha-mying ai. Manau ten hta Nat Jau
na rai yan Maran Nat? Lahpai Nat? Jojau ga nga nna shuk wa chye ai
majaw, Amyu Ting hpe myit jahkrum ya lu ai Karai Kasang kaw kyuhpyi
nna Kongshan Manau hpe Sara Shan shawng woi awn sa wa sai rai nga
Shaning law law lai mat wa
sai 1980 ning kaw nna hpang wa lu sai Shaning Shagu na Jinghpaw Wunpawng Shaning Ningnan
Poi hpe: Htunghking Manau nga nna, law la ai
Jinghpaw Wunpawng Magam-gun ni hte Sara Shan chyawm bawngban la nna
Shamying da ma ai rai.
1951 Ning Shata 3 nhtoi
15-17 ya lapran hta, Sara Shan hte Jinghpaw Wunpawng Hpung Ningbaw
ni woi awn nna, Ruili Ginwang (Dai ten hta gaw Lungshon Ginwang hta
naw lawm nga ai.) Howa Gahtwang kaw: Myithkrum Manau hpe manau na
matu galaw ma ai. (raitmung, aten nau chyat mat ai majaw, Manau
Shagung ni n hkyen lajang da lu ai rai nna, Howa Zuphpawng hku sha
shabyin shalai kau ma ai.)
Dai Manau hpe yaw shada da
ai lam madung ni gaw:
1.Jinghpaw Wunpawng Myusha
ni Shalawt la hkrum sai lam hpe shakawn ninglaw na
2.Wunpawng Hpung na
Ningbaw ni Baushan Zuphpawng wa shanglawm ai lam hte Kunmin du hkra
wa gawan hkawm yu ai lam ni hpe hkaw shabra dan
3.Miwa Kunmyunit Pati hte
Mung-masha Asuya a hpang hkan nang na matu, Jinghpaw Wunpawng masha
yawng hpe saw shana la na.
Shataman 3 nhtoi 15 ya
jahpawt ten hta, Jinghpaw Wunpang madum sumhpa ni hte Baja nsen
gayau let, Dekdari chyingbau hte Jinghpaw pahke rau shapyaw ai —
Jinghpaw Wunpawng Manam Hkalum Hpung ni gaw, Manau wang de sa shang
lawm ai manam ni hpe hkap tau hkalum la &ma ai!
Ningbaw Wa Sara Shan hte
Jinghpaw Wunpawng Du Salang ni mung, Pyada hpyenla ni hte Jawngma
ni hpe woi nna, lam lahkawng maga tsap nna, hkungga ai Manam ni: Li
Hung-htung, Jang Den-xiang hte Mung-masha Shalawt Dap na Hpyendu
Dapma ni hpe hkap tau hkalum la ma ai.
Dai aten hta hpyendap de
Magam bai wa gun nga sai Li Hung-thung &Mangshi kaw nna
Dap-ran langai hpe woi nna Manau wa shanglawm ai. Jang Den-xiang
gaw Lungshon kaw nna, Dapkying langai woi nna Manau wa shanglawm
Jang Den-xiang gaw Asuya
Magam Hpung a Hkum-malai hku nna, Jinghpaw Wunpawng Hpung hpe
Shagrau Donghkon langai wa kumhpa ai. Dai donghkon hta Miwa laika
hku ka da ai gaw Shanhtu Amyu Rung hpe sak jaw
ai, nga nna chyui shakap da ai!
(1953 ning kaw nna sha,
Jinghpaw Amyu nga nna, Jinghpaw Wunpawng Myusha ni tinang ra
sharawng ai hku nna sharai la lu sai. Moi gaw Miwa ni Shanhtu nga ai hpe sha naw chye
nga ma ai.)
Bai nna, Miwa Htonjang yan
gaw, Mung-masha Shalawt Dap na Hkum-malai hku nna, Jinghpaw
Wunpawng Hpung Du Salang ni hpe hpu ging ai kumhpa Sinat Gadun (3) hte Sinat Galu
(4) wa sak jo ma ai.
Dai Howa Manau ten hta,
Lungshon hte Ruili Ginwang na Mung-shawa masha ni, Jarit wora hkran
na Nbapa, Loije ndai Hpung Lahkawng na Hkristan Hpung-masha ni hte
Hpung Sara nkau ni, dai Manau hta sa shanglawm ma ai. Masha yawng
(5,000) chyan du ma ai.
Dai lang na Manau ten hta,
Sara Shan gaw Howa Salang Zinghtung Dingla hpe Jinghpaw Hkahku
Bunghkaw langai kumhpa ya ai. Zinghtung Nta ting, Wunpawng Hpung
hte Howa Manau hpe n-gun kaba dat nna grai garum lai wa sai lam
hpe, galoi mung n malap ai hte shakawn shagrau nga na matu rai nga
Howa Manau ten hta, Manau
Shadung n-sharawt ai, Manau wang ga-ang hta Shagan Manga Mungdan Donghkon
hpe sha sharawt da nna Manau manau ai.
Manau sa shang lawm ai ni
mung, myitngui myitpyaw ai hte, Shalawt la hkrum sai lam ni hpe
chyawm shakawn, Amyu bawsang hpe rap-ra wa shangun lu ai
Tingnyang-Up Mau a chyeju hpe mahkawn ninglaw, Jinghpaw Wunpawng
Myusha yawng myit hkrum mang-rum ai hte Kunmyunit Asuya a hpang
hkan nang na matu rawt, lahkrip ra ra ka manawtPrat Ningnan de lagaw sawt
rai, Manau nau pyaw nga ma ai!
Shani ga-ang ten hta,
shangwi shapyaw lam hta myit grai shanglawm nga ai Wudeng Lahpai
Zau-shan gaw, shi jahtuk da ai Mahkawn langai hpe sa mahkawn dan na
matu, Jawngma nkau ni hpe woi nna Manau wang de sa wa ai. Shi gaw
Manau wang ga-ang kaw na Donghkon Shadaw langai hta, Ri hte Nhtu
dingchyai hkrang kap nga ai donghkon hpe sa sharawt da nna, Jawngma
ni hpe shi htuk shalat la ai Wunpawng Donghkon Mahkawn hpe
sa mahkawn shangun wu ai!
Dai Mahkawn ga
“Wunpawng Donghkon rawt
Wunpawng Donghkon rawt sai
Ndai Mahkawn htuk ai
Wudeng teng Duwa Zau Shan
Jinghpaw ga hta Wunpawng ngu ai Gaginsi hpe gaw:
pawng gahkyin ai lachyum rai nga
ai, raitimung kaba ai hku gaw Jinghpaw Wunpawng Amyu yawng
hpe shalawm lu ai lachyum mung pru nga ai. Wudeng Duwa Lahpai
Zau-shan gaw Wunpawng Donghkon hte Mahkwan hpe yep rai, madun
shapro dat ai rai nna, Miwa Kunmyunit Asuya Du Salang ni gaw grai
ahkyak la ai hku yu jasat la kau ma ai!
Wunpawng donghkon lam hte
seng nna, Shataman 3 nhtoi 16 ya Shani hta, Magam Hpung (Gungzo
Dui) na Du Salang nkau ni gaw, Sara Shan hte shi a manang ni hte
Dung Shaga Hpawng (Zawhtan Hui) woi hpawng ma ai. Kunmyunit
Magam-gun ni gaw Sara Shan hte Jinghpaw Du Salang ni hpe ntsun
shadum ai rai yang, Kunmyunit Pati hte Mung-masha Asuya Woi Awn ai
lam hta nre ai Lam-numshe de shai mat wa na hpe myit tsang nga ma
ai. Dai majaw gaw, dai zuphpawng hpe gan woi hpawng la ma
shani na zuphpawng hta, Jang Den-xiang tsun ai lam gaw: “Manau wang
hta e Wunpawng Donghkon hpe sa
sharawt da ai lam gaw n-htuk nga ai. Junghwa Mungdan Ningnan ting
hta, Mungdan Donghkon—Shagan Manga Donghkon Hkyeng
hpe sha sharawt na! &Dai re majaw gaw,
anhte kaw nna ya hpang de Wunpawng Donghkon n lang na
matu hpyi shawn ga ai! Bai kaga lam langai mi gaw: Wunpawng Ginjo Rung ngu ai
gaw Munghpawm Asuya zawn nawn kau
na loi nga ai! ”
lam ni tsun shadum dan ma ai majaw, Sara Shan gaw shada da nchye na
shut kat na matu tsun jasan dan ai hpang, Kongshan Ginjo Rung hte
Howa Ginjo Rung hpe Kongshan Rung, Howa Rung nga
nna mying galai kau wu ai. Wunpawng Donghkon hpe mung n
lang shangun sai!
Howa Manau ten hta, jut shagu de nna du sa wa ai Du Salang ni,
Hpung Sara ni, Dumsa Jaiwa kaba ni mung grai sa hpawng lawm ma ai
rai nna, Sara Shan gaw shana shagu dai Manam ni hte ga shaga
bawngban htailai hkat ra nga ai. Shanhte San shapro wa ai Gasan ni
hpe, atsawm akawm tsun jasan dan na matu, shi Kunmin, Baushan hkan
wa gawan hkawm ten hta wa mu la, na la ai lam ni hte matut hkat
nna, htai tsun jasan dan nga ai. Jinghpaw Wunpawng Myit-su Salang
ni yawng hpe, Miwa Mung-masha Asuya hpe kamsham lu na matu n-gun wa
jo nga ai.
“Miwa masha gaw teng sha
wa Kakyin hta grau law ai nga ai
gaw teng nga a ni? Miwa Mungdan gaw grai damlada kaba la ai nre ni?
Kunmyunit Dukaba ni gaw, teng sha Baw hkyeng Myi hkyeng ai ni
re i? Shanhte a Tara gaw Sut Pawng, Num Pawng na hku
rai ma ni?...” nga nna, galoi mung bumrin bumga kaw nna shinggan de
ndu yu ai dingla gumgai nkau ni sa san nga ma ai.
“Kunmyunit Du Salang ni mung, anhte hte maren sha gaw e!
Raitimung, ngai chye ai shanhte hta na laklai ai lam langai mi
chyawm gaw, Yahpyen Kani lu sha ai masha nlawm ma
aiShanhte a Hpyendu ni gaw
si n-hkrit ai ni rai let majan gMung-Up Du
Salang ni gaw hpaji chye let sutgan n-marit ai ni rai nga ma ai!
Ngai wa hkrum shaga yu ai Du Salang ni yawng gaw, Num-gaji pyi n la
ma ai re majaw gaw, Num Pawng ai lam gaw masu ai
ga sha rai nga ai. Pati hte Mungdan Asuya na Du Salang ni gadai
mung, tinang a tinggyeng hkauna hte sutgan ni n lu nga ma ai,
shanhte yawng gaw maren sha Asuya htuk jo ai hpe sha sha nga ma ai.
Bu hpun ai lam hta mung nau wa shai hkat ai lam n-nga ma ai hpe
maram yu dat yang,
Sut Pawng na lam chyawm teng wa na zawn mung rai nga ai!
Shanhte gaw Kakyin zawn law la ai matsan masha ni hpe, yi sun
hkauna garan ya nna, lum hkra mu bu hpun na, hkru hkra mu sha na
matu shakut nga ma ai. Ngai yu yang, ndai zawn re ai Sut pawng lam gaw n-gaja ai
lam hpe n mu lu nga ai!” nga nna, Sara Shan gaw myit kalu galang ai
hte tsun jasan dan nga ai.
kaba ni hte Myihtoi kaba nkau ni a Myihtoi Ga hta: ‘Yawng mayawng
nhti nhtang galai shai mat wa na! Bum na hpun gaw pa ga de sa tu
nga nna, pa na lungdin ni gaw bum de wa taw nga na! Du gaw Du nrai,
Mung-masha gaw mung-masha zawn n rai mat sana! &Masha yawng hpe Joi
hte shen, Shai hta shai lai na! Ja gumhpraw ni gaw manu ndan ai ga
numhpu zawn rai na ra ai!...’nga ai ga ndai ni hpe, Ningbaw Wa Sara
nang gaw gara hku yu jasat la a ta? ” nga nna, asak kaba sai Dumsa
Jaiwa ni sa san jahta nga ma ai.
Wa hta lai nna, byin wa na ra ai lam ni hpe gadai mung pat
shingdang lu na n-rai nga ai! Madung gaw anhte gara hku hkap tau la
na lam sha ahkyak ai. Jinghpaw Gamalai hta ‘Masha ga she Nat, hpuntsam hta tu ai
gaw makrat!’ nga ai hte maren sha, kaja ai hku myit la sawn
la ai rai yang, kaja na sha rai wa na ra ai.” nga nna, Sara Shan
gaw shanhte a Myihtoi ga ni hpe shia yujut hku nna htai dan nga
sha yawng mayawng galai shai mat wa lu na rai yang, ya anhte hpa
mung rai nlu nga ai Jinghpaw Wunpawng Myusha ni a matu nga yang,
kaja wa lu na maga de sha chye galai shang mat wa na n rai i? Ya na
hpang de anhte Modo lam waw la na shaloi, hka na nlung ni gaw bum
de wa htawt nga na ra ai! Jinghpaw ni pa ga de mare gahtawng sa de
na shaloi, bum ga na hpun ni gaw pa de nta shadaw sa shachyo da na
rai nga ai! Kunmyunit woi awn Mungmasha Asuya du sai re majaw,
anhte a Du Salang ni mung Mungmasha ni hte maren sha, Du ni gaw
Mungshawa masha ni hpe ndip sha lu, Mungmasha ni gaw tinang Mungdan
a Mudu byin tai wa lu na lam hpe, Myihtoi ni myihtoi da sai lam rai
“Kunmyunit ni gaw Karai Kasang hte Nat, Hpara ni hpe nkam
nsham ma ai rai nna, ya na hpang de Noku Jong hte Hpara Jong ni hpe
she n chye run jahten kau ya na? Hpung Sara ni hte Dumsa Jaiwa ni
hpe gaw i zing-ri wa na ma ai kun?” nga nna, Hpung Sara ni hte
Dumsa kaba ni gaw, Kunmyunit a Noku Makam Lam Tara ni hpe grau chye
mayu nga ma ai!
na Noku Htingnu kaba hta ngai wa du yu ai shaloi, Miwa Hpung Sara
ni mung grai nga nga ma ai. Dai Kunmin Muklum kaba hta, Miwa,
Dibert Zang amyu ni a Bunggyi kaba ni grai law nga ma ai. Muslin ni
a Noku Htingnu ni hpe mung, Asuya kaw nna atsawm akawm makawp maga
let, gadai mung gadai tinang kamsham ai ‘Karai’ hpe kamshan na ahkaw
ahkang ni jo da ma ai. Dai majaw gaw, Miwa Kunmyunit ni a Noku
Makam Lam Polasi hpe gaw, kam mai na zawn gaw rai nga ai!” nga nna,
Sara Shan gaw shi Kunmin hkan wa mu lu ai lam ni hpe tsun jahta
jasan dan nga ai.
Kunmyunit Pati ni gaw, Karai Kasang, Hpara hte Angla ni hpe mung n
kamsham ma ai re majaw, shanhte Mungdan Ahkaw Ahkang Jum nga ai
majaw, ngai yu yang grau kaja nga ai. Hpa majaw nga yang, n bung ai
Noku Makam Hpung shagu hpe, rap-ra ai polasi hte rau ganawn mazum
shangun lu nga ai! Anhte myit yu ga: Mungdan up ai ni lamawa Hpara
hpe noku ai ni she rai yang, anhte yawng hpe mung Shanhte a Hpara
hpe noku lawm shangun na rai yang, anhte nhkam lu na ga ai !” nga
nna, Sara Shan gaw Miwa Kunmyunit a Mungdan Uphkang Lam hpe kam sai
rai nna, Hpung Sara ni a myit tsang ai lam ni hpe mung shalan kau
dat ya nu ai.
“Raitimung, ‘Kunmyunit ni lam shagu anhte a matu lajang
shajin da sai, anhte hpa mung n-galaw ra saga ai!’ngu ai myit hte
sha, Asuya ni hpe sha la nga na myit mung n mai rawng nga ai.
Mungkan ting na galu kaba wa lu ai Amyu kaba ni a labau ni
hpe maram yu yang, la nga nna kaba wa lu ai lam hpe n mu lu nga ai!
Kaga hpunau ni nang hpe gade garum mayu ai myit rawng nga tim,
anhte tinang pyi shakut shaja la na myit n lajang da ai rai yang
gaw, anhte hpe gara hku nna sa garum la lu na rai ta? Lai mat wa
sai shaning Hkying Lam gahtap ai prat labau ten hta, ndai Kunmyunit
Asuya hta lai nna, anhte amyu ni hpe n-chye ai zawn zawn nga lai wa
masai n re i?” nga nna, Sara Shan gaw ramma ni hpe galoi mung
shadum jahprang nga ai. “Anhte a hpu-nau ni yawng hpe myit jahkrum
la nna, anhte hpe shaging shadan la ai Mungmasha Asuya a hpang
atsawm hkan nang saga! Ndai yaw shada da ai lam gaw, ndai lang na
Manau manau ai lachyum kaba nan rai nga ai !”
Manau gaw Miwa Kunmyunit Pati hte Tingnyang-Up Mau a hpung
shingkang hpe, Jinghpaw Wunpawng Myusha ni a miyt gata hta sha-tsaw
sha-ngang da ya sai rai nna, Jinghpaw Wunpawng sha ni hpe myit grau
jahkrum la lu masai rai.
Manau a shawng e, Jinghpaw Wunpawng Hpung na ningbaw ningla ni gaw
Miwa Kunmyunit Pati hte Mungmasha Shalawt Dapnu ni hte ganawn mazum
hpang wa sai Ninggam hta sha naw re ai hku rai yang, Howa Manau kaw
nna gaw, Pati hte Mungmasha Asuya a hpang hkan nang na matu, Sara
Shan hte shi a ningbaw manang ni yawng, myit grau dading shakut
shaja sa wa na Ninggam Ningnan de du shang wa manu ai
Manau a majaw, Ningbaw-Wa Sara Shan gaw Kunmyunit a Jinghku rai mat
wa sai lam hpe, Mungmasha Gumsan Mungdan a hpyen ni du hkra, yawng
yawng danleng hkra chye na wa masai rai nga ai.
jarit makau kaw mayun nga hkawm ai Komintang Gumshem Hpung a
Ngaw-ngam Dap ni hte Do Yung-min (Jauye Lu) zawn re ai Kunmyunit
Nhtang-shai ai Sam Du nkau ni gaw, Sara Shan hte Jinghpaw Wunpawng
Hpung na Du Salang ni hpe gang la lu na myit mada lam n-nga mat sai
rai nna, Jinghpaw Wunpawng Hpung ginjo Kongshan Rung hte Ningbaw-Wa
Sara Shan hpe wa mayun gasat kau na maga de hpyenman gale kau wa
masai! Dai jahkrit shama ai ladat hku nna, Jinghpaw Wunpawng Du
Salang ni hpe Miwa Kunmyunit Asuya hte jahka kau maw nga ma
Ning Shata 3 Nhtoi 17 ya jahpawt, Nayi hkying 3.00am daram ten hta,
Da-mya Ngaw-ngam Dap hpung mi gaw, Kongshan Jawngkawng de wa mayun
gap ma ai. Kongshan Jawng hte Sara Shan a nta hpe wa nat kau lu ai
hpang, Janghong Lawu-tsang Jawng de bai htim yu wa nna, Janghong na
Mungmasha Kasa Lang Wen-chai hpe wa sat kau da ma ai. Sara Shan
chyawm gaw dai aten hta Beijin kaw nga nga ai majaw lawt lu nga
Da-mya Dap ni hpe shingkang shapro dan mayu ai lachyum lawm nga ai
Manau kaba langai hpe woi manau na matu, 1952 ning Shaning pro de
Sara Shan gaw dodan da wu ai. Dai Manau hpe lawu na yaw shading da
ai lam ni hpe lu shatup la na matu rai nga ai:
Beijin kaw Tinghyang-Up Mau hte wa hkrum lu ai lam ni hpe, Jinghpaw
Wunpawng chyurum ni hpe wa tsun shana dan na,
law ai Jinghpaw Wunpawng Lahta-tsang Masha ni hte Shawa masha ni
hpe myit jahkrum la lu nna, Da-mya Dap hpe gasat shagrot kau lu
hkra chyawm shakut na matu, Amyu ting hpe jasu jahprang la
law law a Ndaw Nsa hte Manau manau nna, Gatsing Ga naw rai nga ai
Kongshan Lamuga hpe gabye jahkut la na. ( Hpamajaw nga yang, Kongshan
Gahtawng gawde la ai kaw nna dai aten du hkra rai yang, si mat wa
ai masha gaw shangai wa ai ma ni Shangai wa ai
ma ni hta raitim, Numsha sha law nna La gasha n law nga ai !
Sara Shan shia Du Salang
ni hpe tsun wu ai gaw: “Anhte Jinghpaw Wunpawng Hpung hpaw da nna,
anhte amyu a matu galaw sa wa mayu ai lam ni law malawng hpe,
Kunmyunit Mungmasha Asuya hku nna galaw ya nga sai! Raitimung, Sam
Du ni gaw anhte Jinghpaw ni galu kaba wa na lam hpe nra nga ma ai.
Anhte hpe galoi mung shahte a npu hta naw tawn da mayu nga ma ai!
Komintang Miwa Hpraw ni mung anhte hpe pawn ba nga ai Kunmyunit
Mungmasha Asuya hpe nra nga ma ai! Jau Ye-lu anhte hte ka da ai
Gasadi Laika hpe mung, shi a masha ni Kongshan Jawngkawng wa gap
nat dat ai dai shani kaw nna jahten kau sai rai nga ai. Dai majaw
gaw, Kongshan wan hkru sai dai shani kaw nna, Kunmyunit Asuya hpe
ninghtan shai ai masha sha rai jang, hpa Amyu mi rairai, anhte
Jinghpaw Wunpaw Amyu ni a hpyen nan rai sai! Anhte a hpyen ni hpe
Jinghpaw Wunpawng Amyu a Shingkan Shapro dan lu ai Manau Kaba
langai nan dum dan ra saga ai! ”
“ Ndai lang na Manau hta
Lungshon Samdu Do Yung-an hpe mung shaga ga ! Miwa Du Jang
Hton-jang byi sa lawm na re majaw gaw, shi mung sa lawm nang na ra
ai. Sam Du Wa sa lawm yang lawu na akyu lam (3) nga ai:
1. Jingpaw Wunpawng Manau
hta Sam Du sa manau lawm ai lam hpe s Sam hte
Jinghpaw Wunpawng amyu lahkawng a myithkrum lam matu akyu rawng
2. Shi a jarit makau hkan
mayun hkawm nga ai ganau ni, Manau hpe sa jahten sharun na lam hpe
n myit tsang ra saga ai.
3. Sam gahtawng hkan na
kawa ni Kongshan de shadu la lu na ra ai. Ganau Jau Ye-lu a majaw
sanhte hpe Kawa Hka wa wa jo shangun nna, anhte Kongshan Jawng hpe
bai gawgap la na re”
Shaning law law lai mat wa
sai hpang e, Sara Shan bai chye lu ai lam gaw: “Kongshan Jawng hpe
wa mayun gap na lam hta, Jau Ye-lu gaw myit n-hkrum lawm ai da!
Sam Htusidu Do Yung-an
chyawm gaw, Kongshan Manau a matu teng sha Sam shawa masha ni hpe
Sam gahtawng nkau ni hpe, htinggaw shagu kawa langai ngai wa garum
shangun wu ai. Shi tinang nan Mam Dang (10) hte kawa (50) shapro
nna Kongshan Manau hpe n-gun wa jo nu ai! Dai majaw, Kongshan Manau
shangut la ai hpang Kongshan Jawng hte Sara Shan a nta hpe bai
gawgap la na matu, kawa gaw malawm hkumlawm hkra lu la masai rai
1952 Ning Shata 3 nhtoi 14
ya kaw nna 16 ya du hkra, Kongshan kaw Manau manau ma ai. Miwa
Mungdan Kunmyunit Pati Baushan Ginra Komati Amumadu Malai Zhou Li
gaw Baushan kaw nna Lungshon de laksan du yu wa nna, Kongshan Manau
wa shanglawm ai. Jang Deng-xiang gaw Lungshon Ginwang na Pati hte
Asuya a Hkum Malai hku nna, N-gu Dang (60) hte gumhpraw Tengka (50)
wa sak jo nna Manau wa shanglawm ai.
Lungshon Htusi Do Yung-an
gaw, shi a Du Salang nkau ni hte rau, Kongshan Manau wa shanglawm
ma ai majaw, Manau Ninghtang Hpung kaw nna shanhte wa hkring sa na
matu, Ginsum ni laksan hkyen lajang da ya ma ai.
1952 Ning Shata 3 nhtoi 14
ya shani kaw nna, Kongshan Manau hpe hpaw hpang wa manu ai. Manau
wang ga-ang shara hta Manau shadung shadaw mali hpe shachyaw
sharawt da ma ai, dai Manau Shadung ni a hkrang hpe yu dat yang: Ri
Nhtu hpe kungkyang hkra chye lang let, Nhtu hpe ra sharawng dik ai
Jingpaw Wunpawng Amyu ni a laksan kumla nan danleng nga ai:
“yu mu, Jinghpaw Wunpawng
ni a Ri hte Nhtu hkrang hpe shanhte a ahkyak la ai shara hta jung
da nga ma ai !” nga
nna, kaga amyu ni mu chye nga ma ai.
Mayu Dama myithkrum nga ai
lachyum shapro da nga ai Ri hte Nhtu Dingchyai Hkrang
Sumla gaw, galoi mung Manau Shadung ga-ang kaw shakap nga
ma ai! Manau Shadung ni hta gaw: Jinghpaw Wunpawng &Jiwoi Jiwa ni Majoi
Shing Ra kaw nna bu hkawm yu wa ai maka hkrang sumla ni the,
Jinghpaw Wunpawng ni a Ri-da Maka ni hpe Masat da ma ai!
Jinghpaw Wunpawng Bunghkaw
hko, Wunpawng N-ga N-hpye hpye, Lungbyen labu bu, Lawnghpraw
palawng hpun, Da ai shingkyit kyit ai &Shabrang Wa-ngan ni
the, Gumhpraw palawng hpun, shanghting laraw ro, Rida labu bu ai
Hkonset hkontsawm ni gaw, laknak lang ai Pyada ni hte rau, Dumbu
Sumpyi ni hte yep rai, Manau wang de shang sa wa ma ai Jinghku
Manam ni yawng hpe, Wunpawng Sumpyi ni hte hkap hkungga hkalum la
Liangho Ginwang
Shihpohpo-ai Ginwangdaw na Ginwangdaw Lithkam — Daugawng Ah-go (Lwi
Chun-go) mung Kongshan Manau wa shang lawm ai, shi gaw Dama htung
hku nna, Pyada Kawng makau kaw du ai the Jak Sinat wa gap shangoi
dan nna, Manau wang de shang sa wa ai. Shi hte rau du shang wa ai
gaw: Banggaw Duwa Zau-tu a gasha Magam— Shang De-go hte, shan
lahkawng woi sa ma ai masha wuhpung ni rai ma ai.
Bangwa Zau-tu gaw Kongshan
Manau a matu, Nga Utang langai mi dun let sa shanglawm
Shataman 3 nhtoi 15 ya
jahpawt ten hta, Kongshan Manau gaw Miwa Mungdan Pati hte Asuya
Mangam-gun Ningbaw ni, Poi Hpaw Mungga hpaw shaga nna, Ningbaw-Wa
Sara shan kaw nna Kongshan Myithkrum Manau hpaw
hpang wa na matu Ndau Shana dat nna hpaw hpang wa manu
Naushawng Naupa ni gaw,
chyingbau nsen hta hkan nna, Manau Wang de ka manawt shang wa
masai. Shanhte a hpang e Myitsu Du Salang ni hkan nga nna, masha
Hkying Lam re ai Mung shawa masha ni, Mungmasha Shalawt Dapnu na
Hpyendu Dapma ni yawng hte rau chyawm sawt, Jinghpaw Wunpawng
Shalawt la lu sai lagaw rau chyawm htawt, lamu hpungtang dep ai
‘Oh Ra’ nsen rau chyawm
sharawt, masha Mun Lam rau chyawm manawt! nga ma ai.
“‘Mye-oi, anhte a Mung Du
hpe a ma zawn zawn, Jinghpaw ni e woi ka manawt nga ma ai le!” nga
nna garu jahtau dat ai nsen ni gaw, Sam shayi sha ni rai nga ma ai.
Shanhte gaw Htusi-Du Do Yung-an gaw Jinghpaw Ramma shabrang ni hte
rau ka manau nga ai hpe mu lu nna, ndum shami jatau dat nga ma ai.
Shanhte rawt tsap nga nna, shanhte a Htusi Duwa hpe kam ai hku mai
chyan yu lu ai lam ht alai nna, Jingpaw Wunpawng ni hte rau Manau
manau lawm ai lam gaw, shanhte a labau hta mung Shawng Ningnan Lang
nan rai nga ai!
Dai Jinghpaw Wunpawng
Manau hta rau chyawm pyaw nga ma ai lam ni gaw: Ngoi katu nga ai
Wa-ngan la ni a jahtau garu ai hte Nu-num ni a
Gap jahting nga ai Sinat hte G
Shada da tu jo hkat nga ai Tsa-pri dinghkru ni hte, tu ala nga ai
nhtu n-ga ni hte, htoi gabrim nga ai gumhpraw palawng ni a majaw
rai nga ma ai !
Manau gan hkring nga ai
aten laman hta, Manau Ninghtan Hpung na Ningbaw ni kaw nna, hkungga
ging ai Manam ni hpe kumhpaw kumhpa hte hkap hkalum la ma ai:
Baushan Ginra Amumadu Malai Zhou Li hpe Gumhpraw N-ga, Jang
Den-xiang hte Wen Zhi-zhou hpe Jinghpaw Da-nhpye sak jo ma
Kongshan Manau hpe
Shataman 3 nhtoi 16 ya shana daw de shangut ma ai. Dai Lang na
Manau Poi hta, Gumhpraw Hkying Lam gahtap shama ma ai, N-gu Dang
(500), Jum joi (75), Wa (4), Dumsu (30) chyan lang hkra ma ai. Dai
majaw, dai lang na Manau gaw tsomra mi hkik kaba ai hku manau lai
ai lam re ai hpe chye lu nga ai.
Kongshan Manau gaw Pati
hte Asuya a shingkang grau maden zinghka wa hkra shabra dat sai
hte, Sara Shan hte Jinghpaw Wunpawng Du Salang ni, Miwa Kunmyunit
Pati hte Mungmasha Asuya a hpang hkan nang nga sha n-ga, Shalawt lu
sai akyu ara ni yawng hpe makawp maga nga na matu mung, myit hpe
shaja la let hpyen ni hpe shingkang dat dan ai Manau kaba nan rai
Kongshan Manau ten hta na
Mabyin langai mi gaw Sara Shan a Dazik Sumla
shapro ai lam rai nga ai. Dai lam a majaw, shaning law law lai mat
sai hpang na Kunghpanlam Gumlan Kaba ten
hta, Sara Shan hpe grai wa htai yak kau shangun wu ai.
Ningbaw Wa Sara Shan a Dazik
Sumla hpe wa dut shapro dat ai wa gaw Jangmaw Nawng-lat
(Sara Shan hte rau gahtawng na masha.) rai nga ai:
1951 ning ten hta, Ugyi
Hting-nan gaw Manmaw Ginwang Up Ralata Poi shang lawm ai aten hta,
Jangmaw Nawng-lat gaw n-gun grai hkan dat lawm wa sai rai nna, Ugyi
Hting-nan gaw shia gasha jo sha ai hku nna Jangmaw Nawng-lat hpe
chyeju nhtang ai. Jangmaw Nawng-lat gaw Mayu Dingla hpe Ra Lata Poi
hta garum ngut ai hte Num bai hkung-ran la ai majaw gaw, gumhpraw
hka tsawm ra mi kap nga nu ai.
Jangmaw Nawng-lat gaw dai
kap nga sai hka ni hpe lu wa kau na matu, manang ni kaw gumhpraw
Arang nkau hkoi la nna hpaga nga chyam bang wa nu ai. Hpaga lam hta
hpa hkumhkrum rai n lu ai Nawng Lat gaw, hpaga gade lang rai n bat
yang, A-myat gaw hkum ngun, Arang mahtang mat mat rai nna mau dung
nga nu ai! Jinghpaw Gamalai hte maren sha: ‘Woi a man na pala, jahkrai ma man na
hka!’ nga ai gaw she teng nga ai! Nga nna myit law nga
yang, Kongshan Sara Shan Shataman 3 hta Kongshan Manau manau na
hkyen nga ai shiga hpe na lu ai majaw, Kongshan de du sa wa
Jangmaw Nawng-lat Kongshan
de du nna, Sara Shan hte shia manang ni Manau manau na nhtoi ni hpe
masat hkyen lajang nga ai lam hpe sa na la sai majaw, Nawng Lat gaw
shi gumhpraw tam lu na hpaji langai mi lu myit shapro la nu ai. Dai
majaw shi hpa mung n tsun ai sha, Sara Shan a Sumla langai mi ra
mayu ai nga nna sha sa hpyi ai.
Dai aten ni hta, Sara Shan
kaw Sumla sa hpyi ai masha nau law ai rai nna, Sara Shan kaw gashin
da ai sumla n-nga mat sai. Sara Shan gaw ganing ndi, shi Jinghpaw
bunghkaw hkaw da ai sumla filim langai mi hpe mu tam shapro la nna,
dai hte sa gashin ya na maw ai hpe Jangmaw Nawng-lat gaw: “Dai
Filim mahtang ngai hpe jo yang rai sai gaw e, nang nau kyin nga ai,
ngai la wa nna tinang wa gashin la na re!”nga nna, dai filin hpe la
nna dai shana jang nhtang wa mat nu ai. Hpang shani shi gaw Manmaw
de sa nna, Ningbaw Wa Dazik wa galaw
lajang nga nu ai.
Kongshan Manau ten hta
hpaga wa galaw ai masha ni law law nga ma aishanhte gaw Manau Poi wa
shanglawm ai shawa masha ni lu na, sha na lam ni hpe wa dut jo nna,
gumpraw loili wa tam la lu ma ai. Raitimung, &shanhte yawng hte hta
na, Jangmaw Nawng-lat gaw grau ram ai wa rai nga ai.
Shataman 3 nhtoi 15 ya
jahpawt ten hta, Jangmaw Nawng-lat gaw shi galaw la sa wa ai Sara
Shan a Ningbaw Dazik hpe, gumhpraw manu Lap mi hta langai hte nna,
Nayi hkying hkum mi na aten laman hta, Dazik Sumla (1,000) hpe aloi
sha lu dut la ngut nna dai shani jang Manmaw de bai nhtang wa mat
sai. Shi mu tam la ai gumhpraw Dengka Hkying mi hte shi kap da ai
hka ni yawng hpe, kalangta wa wa kau lu nu ai rai!
Sara-jan Ja Bok gaw masha
ni shi Madu-wa a Dazik Sumla hpe dut nga ai lam hpe na lu nna,
Gasha Ma Nan a matu Kawa a Dazik Sumla hpe Masat Dingsat shatai ya
na matu, langai sha pyi wa hkan mari ya na matu hkan tam hkawm ai
aten hta gaw, n-mu mari la mat sai.
Kongshan Manau manau ai
hpang, Shata Sanit lai mat ai hpang, Ningbaw-Wa Sara Shan a
Madu-jan gaw, Ma-marum Shadang Lasha yan hpe shangai shaprat wu ai!
Dai lam a majaw gaw, Sara Shan hte shia jinghku jing-yu ni hte
shawa masha ni grai myitpyaw nga ma ai. Hpa-majaw nga
yangshanhte gaw Jinghpaw
Wunpawng Myusha ting galu kaba wa na Kumla Langai hku nna yu jasat
“ Kongshan Manau a majaw,
Kongshan gatsing ga hpe lu gabye jahkut la saga ai rai nna, Shadang
Lasha Ma marum pyi shangai wa sai nre ni!” nga nna, Bangta Gahtawng
na Gumhtoi Dingla gaw, Kongshan Manau hpe Masat da lu na lachyum
hte, Sara Shan a Gasha Manaw hpe: Manau Du nga nna, Shingteng
Amying shamying da ya sai rai.
5.Byin Grin Nga Sai Amyu A Hkum Gawng Malai”.
1952 Ning Shataman (4) ten
hta, Sara Shan gaw Munghpawm Myen Mungdan na Jinghpaw Mung de
kalang mi pru sa wa ra ai. Miwa Mungdan na Jinghpaw Wunpawng Hkalup
Hpung hte hpawngchyawm lam hku garan da ai lam hpe atsawm sha sa
lajang shangut la ra nga ai.
1950 Ning Shataman (5) ten
hta, Miwa Mungdan Jinghpaw Hkalup Hpung hpe hpaw hpawngchyawm da
sai raitim, Ningbaw Wa rai nga ai Sara Shan gaw, Wunpawng Hpung hte
Asuya Magam lam maga de grau madung da nna kyin hkawm ra nga ai
majaw, Hkalup Hpung hpe Maigan na Hpung hte hpawngchyawm lam hta
garan jasan hkat na lam hpe hkrak sha rai n-galaw lu nga ai. Dai
rai nna, law la ai Hpung Sara ni a shabrai gaw, Jinghpaw Mung de
naw sa htuk sha nga ma ai. Hpung hte seng ang ai zuphpawng ni mung,
moi na ten hte maren sha, jarit wora hkran de naw sa shang lawm nga
ma ai. Lahta na manghkang ndai ni hpe, Sara Shan kaw nna naw hparan
shangut kau ra nga ai.
Lungshon Mungmasha Asuya
Ginwang-Up Malai rai nga sai Sara Shan gaw, moi na zawn kam ai hku,
mungdan jarit lahkawng maga de pru shang hkawm na matu gaw n-mai
mat sai hte, Kunmyunit Pati a hpang hkan nga sai re majaw gaw,
Gumsan Mungdan a hpyen ni nju ndawng nga ai lam ni hpe koi yen lu
na n-rai nga ai. Da-mya Ngaw-ngam Dap ni, Kongshan de pyi wa mayun
gasat lu ma ai rai nna, Mungdan shinggan de hkap gyam la na mahtang
grau loi nga ai! Mungdan lahkawng na Noku Makam Hpung hte seng ai
lam ni hpe, lawan wan garan jasan kau ra nga sai re majaw, Sara
Shan gaw Jinghpaw Mung de kalang sa na matu tinang nan dodan la wu
Dai aten hta e, Pati hte
Asuya hku nna mung, jarit lahkawng maga na Noku makam hpung a
hpawngchyawm lam hpe garan ginhka jasan kau mayu nga ma ai.
Kunmyunit Tara hpe n-ra nga ai Sinna Mungdan ni the, kyithkai lam
ndi nga ai Hkrisatan Hpung ni, Mungdan jarit hta pru pru shang
shang re ai lam hta, grai sadi maja yu nga ai lam ni hpe, Sara Shan
gaw hkrak sha rai n-chye na nga ai aten naw rai nga ai.
Jarit mayan hkan na Noku
makam lam gaw, Amyu shawa masha hte, Mungdan kyithkai lam ni hta,
gayau gaya rai grai shuk wa chye ai re majaw, Asuya hku nna gaw,
Mungdan jarit hpe pat kau nna sha mai hparan lu na n-rai nga let, n
yu n gawn mung n-mai rai shuk nga ai aten hta naw wa ang nga
1952 Ning Shataman 5
ga-ang daw ten hta, Sara Shan gaw Jinghpaw Mung Manmaw Ginwang
Sinlum-kaba Pangmaw Gahtawng de du sa wa ai. Dai shara hta,
Hpung-Up Sara Pangmaw Zau Tu Hpung Magam gun ai (50) Ning
Ladu-hkrum Jubali kaba galaw na rai nna, dai Shaning na Jinghpaw
Mung Hkristan Hpung zuphpawng hpe mung, dai shara hta hpaw na matu
hkyen lajang da ma ai.
Hpung-Up Sara Pangmaw Zau
Tu a Magaw-Si Sun gata e, dung nga ai Amerigan Sara Ingland gaw,
Miwa Jungshan Sagu palawng hpun sa wa ai Sara Shan hpe hkap mu dat
ai majaw, myit loi n-pyaw nga sai rai nna:
gaw Kunmyunit Miwa Du galaw lawm sai n rai ni? Beijin de du yu sai
majaw, nang hpun sa ai dai Palawng gaw, Mau Tse-tung hkap jahpun
dat ai n re ni” nga nna, Sara Ingland
gaw Sara Shan hpe hkap shaga dat nu ai.
“Ndai Palawng gaw
Tingnyang-Up Mau shia ta hte nan jo ai nre ai raitim, Beijin kaw
nna hpun yu wa ai chyawm teng nga ai. Shi woi awn ai Miwa Mungmasha
Asuya Ningnan kaw nna, jo ya ai re!”nga nna, Sara Shan htan shaga
“Daini ngai ndai palawng
hpe hpun let, ndai shara kaw sa wa ai lachyum gaw: Miwa Mungdan na
Jinghpaw Wunpawng ni a Hkum Gawng Malai hku nna sa wa ai. Daini kaw
nna gaw, Miwa Mungdan na Jinghpaw Hkalup Hpung gaw Maigan Hpung
hpawngchyawm hta n shang lawm sa na! Dai lam hpe sa shana da let,
anhte a Hpung Sara ni hte Hpung shawa masha ni yawng hpe, ndai
shara kaw nna woi nhtang mat wa sana! Ngu nna nanhte Sara ni hpe sa
shakram da ai! Bai hkrum sa ga, Sara Kaba Ingland! ” nga nna, Sara
Shan gaw Sara Ingland hte ta shakram hkat wu ai.
Sara Ingland hpe, Sara
Shan gaw grai hkungga tsora nga ai: Shi Kongshan Jawng de Jawng
Sara wa galaw nga ai aten ni hta, Sara Ingland gaw shia Htamshi Alu
Gumhpraw the, Sara Shan a shata shabrai shatai ya nna grai garum
lai wa yu sai. Jinghpaw Wunpawng Myusha ni galu kaba wa lu na matu,
tsora myit grai madun lai wa sai Sara Kaba Langai mi nan rai nga
ai. Sara Ingland hpe, myit n kam shayawn ai raitim, shan lahkawng
gaw Mungdan Lahkwng rai nga ai Hpung hpe n-garan jasan hkat n-mai
nga ai lam hta yen hkat n lu ma ai!
Sara Shan a ga hpe na dat
ai Shanhpraw Sara ni hte Jinghpaw sara ni yawng gaw, hpa n-chye
tsun shapro ai hte mau ung-ang jawng nga ma ai:
“Kunmyuint Miwa Asuya hku
nna nanhte hpe Hkristan Noku Makam Lam hpe pat kau wa masai i? Nang
hpe shanhte shadut nna ndai lam sa tsun shangun ma ni? Koria Majan
a majaw Sinna Shanhpraw Sara ni hte n-kam ganawn shangun ai mahtang
re kun?” nga nna, grai san shajang nga ma ai.
“Ndai lang gaw, Miwa
Kunmyunit Asuya hku nna shangun shadut ai lam hpa nnga ai. Ni-ning
a shawng kaw na Kongshan Zuphpawng hta, Miwa Mungdan Jinghpaw
Hkalup Hpung hpe hpaw da sai lam gaw yawng na lu na mara ai. Miwa
Mungdan gata na Noku Hpung ni hpe, Maigan Hpung kaw nna n-mai yu
lajang sai lam gaw, anhte yawng chye nga sai hte maren sha, jahka
jasan da ra saga ai. Noku Makam Lam hta gaw, wanglu wanglang ai
ahkaw ahkang lu nga ga ai raitim, Hpawng-chyawm lam hku nna gaw
garan ginhka hkat ra mat sai re majaw, nanhte Sara Kaba ni kaw nna,
Miwa Mungdan na Hpung masha ni a matu, Madu Yesu Hkristu kaw kyu
law law hpyi garum na lam hpe hpyi shawn dat n-ngai law!” nga nna,
Sara Shan gaw Hpung Sara ni hpe tsun jasan dan nga ai. “Karai
Kasang gaw anhte yawng a matu lam hpaw lajang da ya na ra ai, anhte
mungdan lahkawng maga na Noku Hpung masha ni, shada da gawan hkawm
garum lu na aten mung bai du wa na re.”
Dai shani na shana daw ten
hta, Hpung Ningbaw ni gaw, Sara Shan hte Miwa Mungdan kaw nna sa wa
ai Hpung Sara ni the, shakram hkat na kyuhpyi hpawng chyawm galaw
nna, shanhte hpe hkan shakram dat ma ai.
Kyuhpyi Hpawng hpe hpaw
ngut ai ten hta, Hkoya Mahkwan hpung ni gaw, yawng hpe myi-prwi
jahkrat shangun na shakram Mahkawn the, mungdan lahkawng maga na
chyurum ni hpe shakram hkat shangun nga ma ai:
“Oh ya anhte wa, ganing di
Myit-su ni hte wa, hka na
ten du sai!
Sha-woi na zawn gaw, n
pyaw na manit dai,
Raitim Madu gaw, anhte hte
rau nga!...”
hpang de Jinghpaw Mung na Noku Hpung Zuphpawng hta bai sa shanglawm
na lam gaw, grai yak sana lam ni hpe tau chye nga sai Sara Shan
gaw, aten shaning law law ganawn mazum lai wa yu sai Hpung Sara ni
the, jinghku manang ni hte hka hkat ra sai re majaw, shi a ladi
hkri wa let, myi-prwi si ni mung hkrat n-sim rai, myit machyi nga
sai. Raitimung, shi a myit hpe shaja la na lam hta lai nna, ganing
ndi sai! Shi gaw Sara ni hte shakram hkat nna, shingdu de n bai
gayin yu ai sha, Miwa Mung na Hpung Sara ni yawng hpe, Miwa ga de
woi nhtang wa nu ai.
& &Amerigan Hpung-Up
Sara, J.M.Ingland hte Jinghpaw Wunpawng Hpung Sara ni gaw, Sara
Shan hte Miwa hkran na masha ni hpe hkan sa shakram dat let, myit
hta ai nnga ai lam hkam sha nga ma ai:
“Sara Shan hpe Shi nan
lata la nna, Miwa ga de Jawng Sara wa galaw shangun ai (5) ning na
aten gadun laman hta, shanhte (50) ning tup shakut hpaw da ai Miwa
ga na Hkalup Hpung hpe woi mat wa sai rai nga ai!”
“Karai Wa shi hpe Hpung Ningbaw lata da sai re majaw gaw, Madu
lajang da ai lam sha rai na ra ai! Ya na hpang de garahku mi
rairai, Madu Yesu Hkristu kaw nna hkan bausin makawp maga nga na ra
ai. CHYOI PRA AI CHYUM LAIKA hpe
machyu nna, shanhte hkrai maden zinghka sa wa lu na matu, anhte
akyu law law hpyi garum ya ga!” nga nna, Hpung-Up Sara Dinrin Naw
gaw, Sara Shan hte Miwa Mung Jinghpaw Hkalup Hpung matu kyu hkan
hpyi ya nga ai.
“Ndai lang ngai Sinlum-kaba Pangmaw kaw sa nna, Kongshan Zuphpawng
hpang e shangut ra ai lam hpe sa lu shangut da sai.” nga nna, Sara
Shan gaw Kongshan de bai nhtang du wa nna, Hpung Sara ni hpe wa
tsun shana dan ai. “Ya hpang de gaw, shinggan de na Hpung zuphpawng
hta n sa shang lawm ra sai, Hpung hte Jawng Sara ni a shabrai ni
hpe mung, shinggan de nmai sa la shangun saga ai. Anhte a Hpung
Sara ni hpe, anhte tinang nan bau la ra saga ai!”
Jinghpaw Wunpawng Myusha ni a Manau Shadung hta na maka ni gaw,
mago tsawm nga ai zawn, mungkan ga ntsa hta n-mago ai lam n-maw
kaba mung n-nga let, malang ding yan re ai Hkanu hkashi ni mung
n-nga ai hte maren sha, Sara Shan hkawm sa wa nga ai hkrun lam hta
mung, apyaw sha re ai lam hkrai n-rai nga ai!
Sara Shan Pangmaw kaw nna Kongshan de nhtang du wa sai raitim, Pati
hte Asuya Magam-gun Salang ni hte rai n-gan hkrum shaga lu ai aten
hta, Mangshi Muklum kaw hpawng lai wa sai Zuphpawng langai hta,
Sara Shan hte seng ai Dodan Lam nkau ni hpe jahkrat da ma ai. Dai
dodan lam ni a majaw, Sara Shan gaw Kunmyunit Salang ni hte n-chye
na hkat ai lam nkau ni byin pru wa ai. Dai Mabyin a majaw, jahtum e
gaw shi Pangmaw Zuphpawng kaw nna Miwa ga na Jinghpaw Hkalup Hpung
hpe woi nhtang wa ai zawn, shi tinang nan prat tup na matu, Miwa
Mungdan de nhtang wa mat ra sai rai nga ai.
1952 Ning Shataman (6) hta, Yunnan Mung Jarit Mayan
Komiti &Amumadu rai nga ai——
Wang Lien-fan woi awn nna Mangshi hta hpawng ai zuphpawng hta, Sara
Shan hpe n shaga shalawm ma ai. Dai zuphpawng gaw jarit mayan na
Ginwang (6) (ya aten hta na Sakhkung Mungdaw ) na Amyu Lahta-tsang
Masha ni hte Pati Ginwang Amumadu ni shanglawm ai zuphpawng rai nga
Hkrak sha nga yang, Miwa Kunmyunit Magam-gun ni hte Sara Shan
tinang nan gaw, shi hpe Amyu Lahta-tsang Masha a jahpan hta nkam
shalawm ai hkrai rai nga ma ai. Raitimung, Sara Shan pru mat wa ai
Mabyin hpe shangut lu ai hpang, Sara Shan gaw Jinghpaw Wunpawng
Amyu hta na‘Byin grin nga sai Amyu a Hkum gawng
malai nan rai nga sai’ngu ai lam hpe, Pati Ningbaw ni hte
Sara Shan tinang nan chye la masai rai nga ai.
lang na Mangshi Zuphpawng ten hta, Amyu Lahta-tsang Masha ni a lam
hpe hpawng hkrup yu ma ai shaloi, Sara Shan gaw yawng hta laklai
shai nga ai lam ni hpe mu lu ma ai: “Howa hte Kongshan Manau a
lamJinghpaw Wunpawng Hpung a
Hkristan Noku Hpung hte seng ai lam ni hte Ningbaw Dazik
Sumla lam….”
aten hta e, law la ai Amyu Lahta-tsang Masha ni gaw, Kungmyunit
Asuya hpe grai naw hkrit tsang nga ma ai. Raitimung, Sara Shan gaw
amyu a matu sha nga yang, hpa hpe mung nhkrit ntsang ai hte tsun
shaga nga let, shamu shamawt nga ai hta n-ga, Jinghpaw Madu-Uphkang
Mungdaw jo na matu, galoi mung hpyi tsun na n-lagawn nga
majaw gaw, shia yaw shading da ai lam gaw:‘Noku Makam Lam hte Ginra
Uphkang Lam yep-hpawn re ai Mungdan Asuya hpe shalat
hkyen lajang sa wa nna, lam hkawm shut mat wa na hpe, ntsa na ni
grai myit tsang nga manu ai.
majaw, Pati hte Asuya hku nna,Noku makam lam hta madung hkan sa ra
na tara nkau mi hpe dodan jahkrat da ma ai. Dai dodan da ai lam ni
hpe, Sara Shan gaw shinggan kaw nna shiga shawng na lu
Lungshon Htusidu Do Yung-an ni Mangshi Zuphpawng kaw nna Janghong
wa lai hkrup ai aten hta, shante wa tsun sha-mawng kau da ai ga ni
gaw: “Ndai lang na Mangshi Zuphpawng hta tsun ai lam madung gaw:
‘Maigan ga na sara ni n-mai nga sai lam hte, Asuya Magam-gun masha
ni gaw, Tara n-mai hkaw lawm sai!’” nga ma ai.
Du ni gaw, Jinghpaw ni grai gumlawt hkawm nga ai hpe myi yu chyu
nga masai raitimung, Miwa Kunmyunit tara hpe hpa n-tsun kwi ai
let, myithkrum n-gun ja nga sai Jinghpaw Wunpawng ni
hpe hpa ndi lu sai rai nna sha, grai sharang nga ma ai! Mangshi
Zuphpawng hta Miwa Du ni jahkrat dat ai tara ni gaw, ang ang sha
Sara Shan hte Jinghpaw ni hpe tsun hkra ai zawn re majaw
gaw,‘Gingau hpe Hka-rum ’nga, jat shachyan hkra Mangshi Zuphpawng
gaw, Sara Shan hpe hkrai shakrip ai zawn nga nna, wa tsun ga-mawng
kau da ma ai. Mahtang gaw: ‘Sara Shan hpa-majaw Noku Hpung Ningbaw
hte Maigan ga nna nhtang wa ai masha nan rai ang nga a
Mangshi Zuphpawng
na lam ni hpe shawng na lu ai sara nkua mi gaw, Sara Shan hpang de
sa tsun shana dan ma ai: “Miwa ni gaw Hpung Sara ni hpe shachyut
kau hkyen wa masai kun?”
Raitimung, Sara
Shan gaw: “Miwa Magam-gun Du Salang ni gara hku wa tsun na hpe
shawng madat yu ga!” nga nna, hkap htan nga ai.
1952 Ning Shata 7 nhtoi 10 ya shani, Pati Lungshon Ginwang
Amumadu Jang Den-xiang gaw, Kongshan de du lung wa nna, Sara Shan
hpe Mangshi Zuphpawng hta dodan da ai Lam madung ni hpe wa shana
“1.Maigan de na sa ai
Hpung Sara,Jawng Sara ni yawng lawan wan Miwa mungdan kaw nna pru
mat wa shangun na lam.
2.Jinghpaw Wunpawng Hpung na Pyada Dap hpe run dawm kau na
&& 3.Sara Shan gaw ten
gadun laman hta, maigan kaw naw nga nga ai shi a nta masha yawng
hpe, Miwa mungdan de woi la ra na lam.”
Lahta na Dodan Lam Masum hpe, Sara Shan hku nna htai shapro lu ai
lachyum gaw:
“1.Noku Hpung ni shinggan
de kyithkai ai lam hpe di kau nna, Madu Uphkang na lam hpe Sara
Shan gaw myithkrum lawm nga ai. Dai majaw, Shi tinang nan
Sinlum-kaba de sa lajang shangut kau sa rai nga ai. Raitimung, ya
jang maigan na sara ni yawng hpe wa mat shangun na rai yang gaw,
Jinghpaw Laika Jawng ni hpe, matut hpaw la lu na nrai nga
2.Mungmasha Shalawat Dapnu
ni dap jung nga sai raitim, Jun Da-mya Dap ni grai naw gadap hkawm
nga ma ai aten hta e, Wunpawng Hpung na Pyada Dap hpe run kau
shangun ai rai yang, shimlam hta grai naw tsang ra nga
& &3.Sara Shan a Kanu hte
Kahpu Karat ni yawng hpe, Miwa ga de lawan htawt la na lam hta,
shanhte myithkrum lawm na nrai nga ai majaw, dai lam hpe shi dodan
nmai nga ai.
“Ndai lam gaw, ngai hpe wa
mat nu nga nna tsun n-manu nna, jahpai ai mahtang she rai nga sai!”
nga nna, Sara Shan htai la wu ai.
“Baushan, Kunmin hte Beijin kaw du hkra, Jinghpaw Mungdaw wa hpyi
hkawm ai aten ni hta, Miwa Du ni n-gup hku nna gaw, lajang ya na
nga ma ai. Raitimung, ya ten du hkra, tatut hta gaw hpa mung rai
n-galaw ya nga ma ai! &Ya gaw Pyada Dap hpe
pyi run kau ya na hkyen lajang wa ma ai hpe maram yu yang, Miwa Du
ni mung Sam Du ni tsun shaga wa ai mahku nsen hte langai zawn she
bai rai wa masai! Ngai nga n-nga gaw, hpa lachyum pru na nrai sai,
ngai mahtang nhtang wa mat yang sha mai sa na!” nga nna, Sara Shan
gaw nhti nhtang gade myit sumru yu timung, Mangshi Zuphpawng na
Dodan Lam (3) hpe, hkan shatup lu na lam n mu hkraw nga ai. Jahtum
e,shi mahtang Panghuk ga de nhtang wa mat na hpe myit dodan nu
Sara Shan rawt hkawm na shaloi, Kongshan Rung na manang ni hpe tsun
kau da ai ga gaw: “Miwa Kunmyunit Pati a Tara gaw grai kaja ai
Raitimung, masha shada da rai n-chye na hkat lu ai aten hta gaw,
hpa gawlaw lu na matu mung, grai naw yak nga ai!”
Shataman 7 Nhtoi 10 ya na ningsin gata hta, Sara Shan gaw shi a
Madujan hte gasha hpe woi nna, &jarit wora hkran na
Loije de rap sa nna, dai shara hta lana mi wa yup la ai. Hpang
jahpawt jau jau rawt nna, Panghuk bum de nhtang wa mat nu
Sara Shan pru mat wa ai hpang shani, Namlam Pa na shi a hkauna kaw
nga nga ai Duwa Seng Naw-hkam gaw, dai Shiga hpe na lu ai hte,
hkauna pa kaw nna Howa Rung de, lawan wan du lung wa nna, nga nga
ai Du Salang ni hte, Sara Shan hpe gara ladat hku mi rairai, bai
shaga nhtang la na matu, wa chyawm bawngban ma ai.
Ningbaw-Wa Sara Shan a-kajawng sha pru mat wa sai lam hpe na lu ai
Jinghpaw Wunpawng Du Salang ni yawng gaw, myit grai mau ung ang nga
manu ai. Moi kaw nna Miwa ni hpe nau wa n kam nga ai Du Salang ni
gaw, Magam Hpung na Miwa Magam-gun ni hte, ga pyi n-shaga mat wa
masai: “Nanhte hpe kaja ai nga nna sakse hkam ya ai wa hpe pyi
shachyut kau masai nre ni? Nanhte hte hpa lam naw tsun jahkrang
hkat lu na rai ta?” nga ma ai.
& &Sara Shan pru mat wa
ai Mabyin Lam hpe, Pati Yunnan Mung Amumadu Sung Ren-qiung, Jirit
Magam Hpung Amumadu Wang Lien-fang hte Tsang shagu na Pati hte
Asuya Magam-gun ningbaw ni grai ahkyak la ma ai rai nna, Wang
Lien-fang hte Ma Yau woi awn ai, Magam Hpung Langai gaw grai lawan
ai hte Kongshan Gahtawng de Dap wa jung da nna, shawa masha ni hpe
myit jahkawn la lu na matu bungli wa galaw nga ma ai. Yunnan Mung
Jarit Magam Hpung na Ninggawn Mumadu rai nga Ma Yau woi awn ai, Wen
Zhi-zhou gaw Hung NingbawMalai rai nga ai Masat(3) Magam Hpung na
Magam-gun law malawng the, Kongshan kaw Dap wa jung da nna,
Manmyen, Bangta, Loiliang hte Howa hkan e mung, Magam Hpung masha
hpe garan nna bungli wa shang galaw nga masai.
Yunnan Mung Amyu Magam Hpung ni hte Lungshon Magam Hpung ni rau,
shawa zuphpawng kaba law law lang hpaw nna, Pati hte Asuya a Amyu
Lam Masa, Noku Makam Lam Masa gaw Aten galu let, galoi mung maren
sha a rai nga na lam ni hpe, hkaw tsun shabra dan ma ai.
Lahta-tsang Masha ni hte shawa masha ni yawng a man e, Pati hte
Asuya hku nna Sara Shan hpe bai nhtang wa lu shangun hkra, shakut
la na lam ni hpe, dandan lengleng hkaw tsun shabra dan nga ma
Wang Lien-fang gaw, Sara Shan hte grau hkuhkau nga ai Duwa Seng
Naw-hkam hte Sara Tu yan hpe shaga la nna, Sara Shan hpe jahkrang
ya lu na matu laika shagun shangun ai. Dai laika ni hta, Sara Shan
hpe nhtang wa lu na matu gaw, lawu na ahkyak ai lam (3) hpe ka
shalawm shangun ai:
& &1Miwa Hkristan Hpung Masum Lam Tinang Madung (Tinang hkaw tsun, tinang pawn-bau,
tinang Uphkang.) Tara Maka hpe madung da nna, kram lajang
sa wa na raitim, ta tut galaw sa wa na ladat chyawm gaw: Aten ladaw
ni hta hkan nna, shawng hpang ginhka let, lawan galaw ra ai hte,
lahkam kaba n-htawt lawan na lam ni hpe, shada da bawngban la mai
2.Amyu Masha Ginra hta, tinang amyu tinang Madu Uphkang na
Pati hte Asuya tut e shagrin da sai Polasi nan rai nga sai re
majaw, gade n na ai aten hta lajang sa wa lu na ra ai.
3.Wunpawng Hpung na Pyada Hpyenla ni hpe, magam bungli garan jo na
lam hte, Sutmasa lam ni yawng gaw, Asuya lit la nna atsawm lajang
sa wa na. Bai nna, Laika Sharin Jawng ni hta ra gadawn ai Ja
gumhpraw ni hpe mung, Asuya lit la nna matut lajang sa wa
4.Sara Shan a Pru Shang hkaw na lam hta, wanglu wanglang ai ahkang
jo da ai lam hta, Seng Naw-hkam hte Sara Tu kaw nna Ama-hkam lawm
na. Dai majaw lam shagu hta, wa bawngban hkat na matu, shang wa pru
wa na lam hta, hpa myit tsang shara n nga ra ai.
Panghuk kaw nga nga ai Sara Shan gaw, Duwa Seng Naw-hkam hte Sara
Tu ni a laika ni matut ndi rai, Shi a ta hta du wa ai. Dai laika ni
hte Panghuk kaw du lung wa ai masha ni wa tsun dan ai shiga ni hta
mung, Miwa Kunmyunit Pati hte Mungmasha Asuya na Magam-gun Ningbaw
ni, shi a ntsa hta tawn da ai tsora myit gaw teng sha kam mai nga
ai! Jinghpaw Wunpawng Myusha ni hpe, tengteng nan tsora let garum
la mayu nga ma ai lam ni hpe mu lu nga ai!
rai nna, Sara Shan a myit gaw bai sharai wa lu nga sai majaw, shi
tinang myit gahtet gadun lai kau ai lam ni hpe mung bai nhtang myit
maram yu wa wu ai. Ahkyak ai lam langai mi gaw, dai Wang Lien-fang
shagun jo dat ai laika hta, shi ra sharawng dik ai lam ——‘Amyu
Ginra hta na Madu Uphkang Lam hpe, ya jang wa bawng jahkrum u!’nga
ai lam rawng nga ai! Sara Shan a matu nga yang, Jinghpaw Wunpawng
Mungdaw sha lu na rai yang, kaga lam ni yawng gaw, hpa ahkyak ai
lam nrai mat sai rai!
Sara Shan gaw Panghuk bum na htat la ai maling gata de shang sa wa
nna,dai zim la ai shara hta, shi chyu sha aten na na sa dung nga
nna, lai mat wa sai ten na shing-ran ni hpe bai nhtang myit dinglik
sumru yu nga yang: Miwa Htawn-jang Li Hung-htung hte hkrum shakram
hpang ai shani kaw nna Beijin du hkra hkawm lai wa sai aten ni hta,
Mungdan Ginjo na Du Salang ni kaw nna,lawu tsang na Magam-gun masha
ni yawng tsun shaga let galaw sa wa nga ai lam ni yawng gaw maren
sha rai nga ma ai. Ngai mahtang shara nkau ni hta mung shut ning-ra
ai lam ni lawm nga ai: Lungshon Ginwang-Up Malai rai nga ai ngai,
ntsa de hpa mung n-shana dan ai hte Maigan mungdan de Hpung
zuphpawng sa shang lawm ai lam gaw loi shut nga ai. Nye a nta masha
ni yawng hpe lawan woi la shangun ai lam hta mung, nye a nta masha
yawng a matu shimlam la lawm ya na matu mung rai ang ai! Ga nhkrum
hkat ai majaw na shut, yu shut ai majaw rai sam ai?
“Ngai nan Jinghpaw Wunpawng Hpung ningbaw ni hpe ‘Kunmyunit Miwa ni
gaw kam mai ai jinghku ni rai ma ai, Miwa Mungdan Ningnan na Asuya
gaw anhte Jinghpaw Wunpawng ni a Asuya nan re!’ngu nna Ama-hkam dan
lai wa let, Noku Hpung hpe sa garan wa nna ngai bai hkawm mat ai
rai yang, Hpung Masha ni ya hpang de garahku bai hkawm yu wa na
“Myit-rum Wang Lien-fang
Kongshan kaw ngai hpe wa la nga sai rai nna, garahku mi rairai, shi
hte shawng wa hkrum shaga yu nna, dik hkra ga n-hkrang hkat ai
hpang e, bai nhtang pru wa tim, myitgut myitdik lu na ra
“Ndai lang gaw Jinghpaw
Wunpawng Amyu ni Shawng Ningnan Lang na, Miwa Hkawhkam Hkawseng kaw
nna dantawk uphkang wa ai aten re majaw, shanhte hpe yu shut kau
shangun ai lam n-mai hpaw hpang ai, ngai kaw nna n-madat mara ai
kyang lai n-mai hpang da ai!” nga nna, Sara Shan gaw myit hpe jasan
shaja la nna, nhtang wa na matu dodan wu ai.
Bai kaga lam maga mi hta,
Sara Shan tinang nan mau nma rai nga ai gaw: Galoi mung shi Mungdan
Jarit wa rapdi lai sai hpang shani kaw nna gaw, shi moi na gahpa
shingma na machyi hkang dingsa bai machyi wa ra ai! Aten grau na
magang, grau machyi laja wa nga ai majaw, ‘Sumtsan ga-tsang ga de
sa nga ra ai ana’ngu ai myu mi nga ai hpe, Sara Shan gaw nkam nmai
rai nga sai. Shi a gahpa shingma hta machyi wa ai hpe na dat shagu
gaw, moi na yupmang hta: “Na a magam bungli hpe, ngai jau nna
lajang da ya sai! Matsing da u, hkum hprawng lu!” nga ai Yupmang ga
hpe bai myitdum dat wu ai. “Karai Wa mung ngai hpe ya ten du hkra
raitim, buga de wa nga na matu ahkang n jo nga ai!” nga nna, myit
dum nga ai.
Shaning law law lai mat ai
hpang e, Sara Shan dai lang na pru mat wa ai lam hpe maram yu nna,
tinang a ra gadawn ai ning-ra lam hpe ginchyum la wu ai gaw: “Anhte
amyu ndai gaw, Shaning Hkying Lam gahtap nna bu htawt hkawm lai wa
yu sai Amyu langai re majaw, anhte yawng a hkum hta ‘Ai htep n nga ai aten hte shara hta,
shara kaga de bai htawt hkawm mayu ai amyu ni rai nga ga
ai!’, dai zawn re hkrang kumla rai n mat ma nga ga ai majaw
she rai ang ai!” nga nna,tinang ginchyum la ai.
1952 Ning Shata 7 nhtoi 31
ya hta, Kongshan hte (20) ya chyan hka mat sai Sara Shan gaw,
Kongshan de bai nhtang du wa ra ai. Duwa Seng Naw-hkam gaw masha
nkau ni hte rau, Sara Shan hpe jarit makau kaw nna sa hkap hkalum
Shataman 8 pro 1 ya shani
kaw nna hpawng hpang ma ai Dung Shaga Zuphpawng hta, Yunna Mung
Magam Hpung na Magam-gun Ningbaw ni hte Lungshon Ginwang Pati hte
Asuya Ningbaw ni mung shang lawm nna, Sara Shan, Seng Naw-hkam,
Sara Tu ni the, ra ai lam ni hpe chyawm bawngban jahta hkat ma ai.
Sara Shan a myit lu ai lam ni hpe madat yu nna, shada da na shut ai
lam ni hpe jasan shalan kau rai, dai zuphpawng hpe (10) ya daram
myit grai galu ai hte chyawm hpawng la ma ai.
Dai zuphpawng shangut la
ai ten hta, Sara Shan myit hkrum lawm nna, shi a Magam madung
lahkawng hpe lawu na hte maren sha sharai lajang la wu
1.Noku Hpung na Magam ni
hpe, Ninghtan Hpung Ningbaw rai nga ai Sara Dashi Shan-lum, Sara
Zung Bawm ni hpe ap ya nna, shi gaw Asuya Magam de madung da nna
lit la mat wa na. Hpung Ningbaw a Mying hpe gaw raw kau nlu sai re
majaw gaw, Mying Gun nga nna, ahkyak ai ten hta shaga lawm
2.Jinghpaw Wunpawng Hpung
a Howa, Manmyen, Loiliang Rung ni hpe shawng dawm kau na, Kongshan
Rung hpe gaw, ya hpang de Madu-Uphkang Mungdaw lu ai shaloi bai
dawm kau na. Pyada Dap hpe mung dai shaloi na satlawat hta hkan
nna, Asuya hku nna Amyu Dap-kung de shalawm kau, shing nrai run
shabra kau na.
Dai zuphpawng shangut ai
hpang, Sara Shan gaw masha shangun dat nna, Panghuk kaw nga da ai
num ma yan hpe bai wa tau la shangun wu ai. Dai shaloi kaw nna Sara
Shan gaw, shi a prat htum mat ai ten du hkra, Mungdan Jarit wora
hkran de galoi mung n bai rap sa wa yu nu ai. Shi a kam maka hta
ang nga sai‘Shia Sagu hte Bainam rem shara
hta’,ruyak jamjau amyu myu hkrum lai wa raitim, shakut
shaja nna nga ding yan sha rai sai!
1952 ning ten hta, Sara
Shan shinggan de Lahkawng lang pru sa nna, shi hkum hte Noku Hpug
hpe, Miwa Mungdan de bai woi nhtang wa ra ai Labau Lit hpe, shangut
kau lu nu ai. Shanhte a kam maka hpe, pyaw tim, yak tim, Junghwa
Mungmasha Gumsan Mungdan hte rau, Amyu-bawsang a Dinghku Kaba gata
hta, woi nhtang la wa nu ai!
Sinlum-kaba Pangmaw kaw
Sara Shan myit n-pyaw ai lam nga ai: Noku Hpung hpe garan jasan la
lu ai Magam hpe shangut la lu sai. Raitimung, Sara Pangmaw Zau Tu a
Jubali Poi sa shang lawm na matu sa ai ni yawng gaw, Sara Dingla a
Yawn Hkyeng Poi hta sa shanglawm ai mahtang she rai mat nga ai. Poi
Nhtoi du wa na shawng e, Sara Zau Tu gaw Yesu Hkristu hta yup pyaw
mat wa sai re majaw, Sara Shan grai myit n-pyaw lawm nga
Shi Panghuk de pru sa ai
majaw, jahtum ten hta shi hkum hte myit mahkra hpe bai woi nhtang
la wa sai raitim, shia myit hta n-gut ai lam Langai mi naw rawng
nga ai gaw: British Inglik Mungjat ni n-gun ja nga nna, Miwa
Mungdan n-gun kya ang nga ai Manchin Hkawhkam Prat labau ten kaw
na, Sara Shan a law la ai Wunpawng Chyurum ni hpe, shinggan de
gadoi di kau da sai lam rai nga ai.
Dai lam hpe myit ndik nga
ai Sara Shan gaw, shi a prat tup na Labau Lit Langai mi gaw:
“Jinghpaw Wunpawng chyurum ni a myit hpe sha pyi, Kanu Mungdan de
woi nhtang la lu hkra!” nga nna, shakut shaja nga na lam sha nga
sai rai nga ai!
Sara Shan gaw Hpung-Up
Sara hte Tarahkaw Sara nraiBum Du mung nre ai majaw
gaw, Miwa Kunmyunit ningbaw ni hte shi tinang nan mung, shi hpe
Amyu Lahta-tsang Masha jahpan hta bang na matu n hkyen ma ai
raitim, Jinghpaw Wunpawng ni a htung tara the, dai laklai la ai
labau ten hta wa ang nga ai majaw, Sara Shan gaw Jinghpaw Hkristan
Hkalup Hpung Ningbaw hte Jinghpaw Wunpawng Bumdu ni yawng a
Wunpawng Hpung Ningbaw re
majaw, Jinghpaw Wunpawng Myusha ni hta na:‘Byin grin nga sai Amyu A
Hkum Gawng Malai’ nan rai ang mat nu ai.
已投稿到：
以上网友发言只代表其个人观点，不代表新浪网的观点或立场。}